因為"它" 遇見"她": 重逢

(3)

自重上次攬完krystal之後，佢好耐都冇再出現係籃球場，我好疑惑係佢唔想舊事重提，定係唔想再見到我，覺得我抽左佢水。

唉…仲以為有機會可以拍下拖，原來一切都係自作多情。

"阿臣"

一把既陌生又印象深刻嘅聲音，唔通係krystal?我即刻環顧球場嘅四周，可惜一個女仔嘅身影都冇。



"Hi"

伴隨住喱句"hi"，我feel到有人係後面攬住左我，果種永世難忘嘅觸感，我知道自己身後嘅就係krystal。

我:"好…好耐冇見"
Krystal:"掛住我呀?"

我無言以對，因為我唔清楚自己對佢係咩感覺。但我淨係知道自己想將喱個擁抱私有化。

"打波啦仆街!"阿Ben大嗌


Krystal:"你去打波先啦"

我地又再一次比籃球阻礙擁抱嘅時光…

今場3on3由我-阿Ben-肥文(另一個好朋友) VS 三個路人。咦？再望真d，原來其中一個係之前krystal好仰慕嘅果個男仔。我再望一望長櫈上嘅krystal，佢垂低左頭。喱一刻，我決定左要幫佢報仇。

我大大聲咁嗌左句"睇野啦"，再瞄一瞄櫈上嘅krystal，佢望住左我。今次佢真係望住我打波，而唔係果個男仔。

一開波，我就好似Irving咁款係到cross over，再加上肥文嘅巨型pick做combo，個男仔只好食我塵。係冇人防守之下，我泥左下mid-range jumper，輕取兩分。



廿分鐘後，(22:6)完場。

我用勝利者嘅眼神望住左個男仔，好似宣示緊krystal係我條女咁，佢都好識做，過左隔離場打。

"多謝你呀"krystal面紅咁講
我:"唔洗，下次記得帶眼識人喇"
Krystal:"識你呀?"
我:"我好差咩？"
Krystal:"唔知呢，hehe"

喱一刻我真係覺得佢好可愛，我好想佢做我女朋友，但係我又驚佢對我冇feel，我好疑惑咁企左係到。

Krystal:"我好肚餓呀，不如去食飯啦。"
頂!女仔約我食飯真係第一次，我真係好滾動。
Krystal:"行啦!"



佢就咁撓住左我隻左手，一齊離開左個球場。係途中佢冇放過手，我真係覺得喱個moment好奇妙。當然，第一次比女仔撓手既我，細佬又唔老實咁扯左。行下行下，我仲發現佢個c cup已經貼住左我隻手，"大佬，點頂呀"。

我好驚比佢發現自己扯左，於是轉左用"big dick walk"(美國人扯旗時嘅專用步法)泥行，儘量收埋"臣仔"。我真係好enjoy，好想Krystal做我女朋友。