超靈視雜誌社: 二章－靈魂証人（５）

傍晚六點，我和紡瑩首先來到醫院探望陳家仁，打算繼續昨天的採訪。
 
但事與願違，來到Ａ５病房前的時候卻發覺裡面空無一人。
 
這個時候，一名年輕的男醫生路過房門口。他看見我們便停下來說：
 
「你地黎搵Ａ５病房既病人？」
 
「係啊……」紡瑩回答。
 




醫生十分輕蔑的樣子，冷冷地說：「哈，估唔到呢種人都有人黎探佢。不過你地要白行一趟，佢尋晚病情惡化，而家已經入左ＩＣＵ。雖然未死，不過都係遲早既事。」
 
「吓……」眼前這位醫生好像完全不關心病人的死活，感覺很惡劣。
 
紡瑩亦沉不住氣說：「咩叫做『呢種人』喎！點解你做醫生都咁冇禮貌架。」
 
醫生反駁說：「我有咩講錯。嗰個人心裡面只有仇恨、貪婪，而且不務正業，幾十歲人剩係識得發白日夢……嘿，雖然咁樣會比較好食。」
 
那位醫生冷笑幾聲後就離開了。接著一名女護士走過來說：
 




「唔好意思呀，Dr Wong 以前唔係咁……佢以前做事好認真，當所有病人都係朋友咁。可能因為見過太多生離死別，所以而家變到比較冷淡。」
 
「原來係咁……」不過看他還年輕，只是做了幾年醫生就變成這樣冷血。再過十年不就變成大魔王？
 
「總之唔好意思啦，我諗 Dr Wong 應該冇惡意。」護士說完之後也繼續回去工作，剩下我和紡瑩在病房門口。突然間，一首流行曲從沒有人的病房裡傳出來。
 
「咦，係咩聲？」紡瑩好奇地走入病房尋找音樂的源頭。音樂聲越來越響，然後我在茶几下面找到了一部手提電話。看來剛才的音樂是電話鈴聲，不過當我拾起來的時候音樂已經停了下來。
 
紡瑩指著手機說：「呢部電話我有印象，尋日見過陳生用過。應該係佢部手機。」
 




「咁還返俾佢……不過而家見唔到佢，唯有交俾醫院保管住先啦。」
 
「唔好住。」紡瑩把手機搶過來說：「睇下入面有啲乜野先。」
 
「咁做好似唔係咁好喎……」
 
「阿翔你唔會好奇咩？可能入面有啲咩線索喎。」
 
「呃……之但係……」
 
「唔駛擔心喎。我地係正義既使者，為左追求真相做少少壞事唔怕既。」
 
不，做了壞事就不叫做正義了。可是已經沒有人可以阻止到她，只見她聚精會神地不斷掃著手機螢幕，看起來裡面有很有趣的事情。
 
「阿翔……睇黎有必要繼續 keep 住部手機。」紡瑩臉色一沉，然後把手機放進自己的手袋裡。




 
「裡面有咩發現？」
 
「裡面寫左好多野，而家唔知點講，我要繼續睇落去先知道。不過我有少少明白點解頭先個醫生會咁話佢。」
 
「聽落好似唔簡單。」
 
「阿翔，我返雜誌社整理一下資料先。」
 
「但係我地陣間約左 Samantha──」
 
「我地分頭行事，你一個人去搵 Samantha 先。之後夜啲我地再聯絡啦。」
 
「喔、喔……好呀。」
 




當時的我只能目送紡瑩的背影漸漸遠去，究竟她在手機裡發現什麼？如果可以早一點知道的話，或許最後的結局會變得不一樣。