超靈視雜誌社: 四章－真性異言靈（４）
「果然你又係度打緊機呀，又唔開電話。」
「反正又冇女打黎，翔你打黎既電話唔聽都罷啦。」
吃完的杯麵散滿宿舍房的地上，而 Charles 正全情投入在網路對戰遊戲當中，和電腦枱跟椅子連成一體。
這下子就麻煩了，怎樣遊說他去接受催眠呢。
「你聽日得唔得閒呀？」我嘗試問一下。
「吓？唔得閒呀，唔好煩住我啦。」
其實我和 Charles 也有一些相似的地方，特別是大家都還沒有女朋友。Charles 外表倒算正常，就是太沉迷電腦和二次元的世界了。要打破異次元的牆壁請他到外面，這不是一件簡單的事情。
「其實係關於你兩個月之前失蹤既事架，你唔想知道發生左咩事咩？」
「唔……冇興趣。」Charles 依然故我地不斷拍打著鍵盤和滑鼠。
怎麼辦？紡瑩還在宿舍外面等著我。雖然我買了一包棉花糖給她吃，但大概只能拖到十分鐘吧。
對不起了，唯有出賣一下朋友。
「其實有一個好可愛既女仔想知道關於你既經歷架。佢係咁叫我要帶你出黎，煩左我好耐架喇。」
「咦？」Charles 猶豫了一會，說：「冇可能，你點會識到女仔。」
「我最近咪係一間雜誌社打緊工既，個女仔係同事黎架。」
「哦……咁聽日幾點鐘？我睇下得唔得閒，未必得。」
「聽日三點鐘，係尖咀地鐵站等。」
「我諗應該得閒既……」
即是有空吧，Charles 在想什麼全部都寫在臉上面。
把時間地點和事情都交代好後，我便回去找紡瑩，而她亦告訴我明天她的朋友也會去接受催眠。所以一切都準備就緒了。
翌日中午，我和紡瑩，還有大家的朋友在尖沙咀的地鐵站集合，然後起程前往女王介紹給我們的治療中心接受催眠實驗。
「你地四個就係杜小姐既朋友？」治療中心的一位催眠師問我們。
「係，我地係杜霜虹既朋友，我叫阿翔。」
接著其他人也簡單的介紹了一下自己。
「好，你地跟我入黎。」
催眠師帶我們來到催眠治療室，在白色的房間內擺放了一張催眠椅。首先接受催眠的是紡瑩的朋友 Rita。她也是一個年紀和我們相若的少女，比較害羞很少說話。
Rita 躺在催眠椅上，在聽完催眠師的風險講解後便開始放鬆身體。很快她就受到催眠師的暗示，進入了催眠狀態。
「而家妳身處係一個唔受時間同空間束縛既地方，妳想去邊都可以。」催眠師告訴閉上了眼睛的 Rita：「你試下返去兩個月之前，啱啱踏入夏天，月曆變成六月嗰陣……當時係妳身上發生左一件怪事，妳去左一個好奇怪既地方……妳去嗰度望一下。」
進入了深度催眠狀態的 Rita 沒有回應，只是不斷搖頭，好像在尋找什麼似的。
「妳而家係邊度？」
Rita 意識朦朧地說：「係郊外……一條荒廢左既村落……」
「妳係嗰度做咩野？」
「儀式……」
「周圍妳見到啲乜野？」
「好多人……儀式……斬頭……啊啊啊！」
──啊啊啊！
──唔好殺我！
Rita 全身抽搐，不斷掙扎和呼救，在場的人都被她的行為嚇呆了。此時催眠師告訴 Rita：
「唔駛驚，妳唔會有事。而家妳離開嗰個地方，我地數三聲就可以返黎現實。」
──好多人死左！
──一！
──死左既人復活返。
──二！
──唔好殺我！
──三！
──啊啊！Rita 大叫一聲之後，就像斷了線的木偶躺在椅上動也不動。
「妳而家可以擘大眼喇。」催眠師對 Rita 說。
「嗯……」Rita 緩緩張開眼睛，問道：「咦，剛才發生左咩事？點解我好似覺得好攰咁……」
紡瑩嘗試淡化剛才的事情，說：「頭先 Rita 接受完催眠之後，講返起一啲失蹤期間既事。當時妳可能去左郊外某一條荒廢左既村落。」
「咁我講既野可以幫到紡瑩妳？」Rita 問。
「當然幫到啦，多謝妳今日黎幫手。」紡瑩微笑著回答。
「不如今日暫時到此為止？」催眠師意識到事情可能失控，或者會對受催眠的人造成心理創傷，於是提議取消接下來對 Charles 的催眠。
不過 Charles 卻不同意。縱使他看見 Rita 發了瘋似的催眠反應，不過他還是要堅持接受催眠。
「喂，你得唔得架？」我低聲問 Charles。
「唔怕既。最重要係幫到紡瑩！」Charles 大聲回答。
看來這傢伙是希望在女生面前展示出他的勇氣，真是戀愛單細胞生物啊。
「紡瑩，」我說：「不如妳帶 Rita 去休息先，呢度有我同 Charles 就得。」
紡瑩點頭，並扶著 Rita 到外面休息。Charles 對於我叫走了紡瑩感到十分不滿，可是我們不能夠讓 Rita 再次看見那段記憶啊。
Charles 知道自己已經答應了接受催眠，只好無奈地躺在椅上任由擺佈。
催眠師再次用相同的手法，把 Charles 的記憶帶到失蹤那一天。相對於 Rita，Charles 是比較後期失蹤的人。事實上他只是失蹤了一、兩天，整宗事件就結束了。
「你而家係邊度？」催眠師問 Charles。
「係郊外……」Charles 和 Rita 一樣，都是閉起眼睛回答。
「你周圍見到啲咩？」
「好多人……其中一班人目無表情……只係任得另外一班人殺死……」
催眠師臉色一沉，繼續問：「可唔可以形容一下嗰啲係咩人？」
「其中有一個人……好似係嗰度既話事人……長頭髮……白色袍既男人……」
什麼？這種人我只認識一個！為什麼會在那裡出現？
Charles 接著說：「啊……仲有一個熟人係度……year 1 既藍弦玥……」
「你嗰位同學係度做緊咩？」
「藍弦玥同白色袍既男人起爭執……」
Charles 開始自言自語：
「快啲走？……啊……其他人都開始走……係藍弦玥放走晒所有人……妳唔一齊走？」
Charles 的語氣越來越焦急。
「藍弦玥！妳做咩留係嗰度啊！一齊走啊！」
「對唔住……我地會返黎救妳……」
突然間，Charles 呼吸變得急速，不斷喘氣；他自己勒住自己的頸，臉色變得蒼白。催眠師見狀便立即中止了催眠把他帶回現實。
Charles 醒來後，全身十分沉重，只是躺在椅上勉強地發聲問：
「……我頭先講左啲咩？」
我回答：「你見到藍弦玥係失蹤現場。你仲記唔記得？」
Charles 有點訝異，說：「完全冇印象……」
剛才 Charles 的經歷實在太意外了。除了藍弦玥在現場，還有藍社長嗎？可是社長說過自從弦玥被母親帶回芬蘭之後就再沒有見過她。如果 Charles 說的是事實的話，那麼說謊的是社長嗎？
而當時他們又在做什麼呢？儀式？殺人？復活？
我的腦袋一片混亂，我好想有人可以告訴我真相。弦玥妳現在在哪裡呢？這兩個月以來，或者妳一直在等待有人來找妳嗎？
我再一次看著手上的戒指，決意要把人間蒸發的弦玥找出來。