唔係掛，我竟然去左2025年！？: 第一話

我叫羅子傑，今年１９歲。好多高登仔呢個年齡已經讀緊degree，asso同其他專上學位課程，但係我呢個cd-rom仍然一事無成，做緊一個DSE自修生。由於細細個就比屋企雙親洗腦：入唔到大學，你屎都無得食呀！所以，我決定一定要入大學！唔可以比自己後悔！但係，一年又一年，一年又一年，今年已經係我第三年考DSE，姐係Tritake。雖然我心目中團火無熄到，但我開始比身邊既朋友同親戚睇唔起。於是，我呢一年都無咩點同佢地聯絡，就連facebook，ig，line也全數刪掉。當我以120%決心迎戰DSE既時候…我竟然意外地去左2025年… 

　　故事發生在2015年3月11日的夜晚… 

「傑傑BB，返黎自修室未呀？等緊你Ｄ零食幫我醫肚嫁」 

「得啦，你溫多陣書先啦！依加風大雨大唔方便傾，就上火車啦」 

「好啦～小心Ｄ呀～」 





　　岩岩同我Whatsapp就係呢一年tritake既戰友－啊豪。大家唔好誤會我同佢係hehe，佢只係我一個好朋友。我同啊豪係中六認識，雖然大家出身係band3學校，但都以入大學為終極目標。可是我不太勤力，要不是只是差1-2分就入到心儀的科目和有他陪伴，我想今年自己也不會玩命Tritake。 

　　離開月台前往圖書館的時候，雨比剛上火車的時候下得更加大，而且還有連綿不絕的雷聲傳到我耳中。於是我立即加快腳步跑到位於圖書館地下的大堂，我把雨傘收拾好和把身子抹乾淨後就立即進升降機去。進到升降機按下「５／Ｆ」後，門就自動關上了。當我打算Whatsapp回應啊豪的時候，突然聽到「轟」一聲，然後升降機的燈光閃動了數下，最後更連燈光也沒有。起初還認為是「困lift」，但數秒後燈光又亮了起來，屏幕上停留在「3/F」的升降機也慢慢開始運作而上升起來。但當我到達五樓自修室的時候，竟然２００個座位也空無一人，就連平日坐在門口的自修室助理也不見了。 

「搞咩撚野呀...」 

　　仔細地環繞自修室一圈也發現不到座位上有書包和書，為什麼差不多考試也沒有人？難道外面的暴雨令他們留在家中？但是啊豪又到那裡去了？為解心中的一個又一個的疑問，我決定拿出電話Whatsapp啊豪，可是按什麼按鈕也沒有反應？不會是現在才沒有電吧？當我坐在自修室十分鐘左右仍然沒有人進來，我就覺得事情愈來愈不對勁。於是我就到後樓梯看看街外的街道.... 

「屌你！點解街上面一滴水都無既！？」我立即叫道 





「喂！你係到做咩？！」 

　　突然，後方傳來一把聲音，我回頭一看，原來是一個穿著校服的女中學生。 

「唔該！可唔可以借個電話比我打！！」 

　　這女孩聽到後沒有回應我，她盯著我數秒左右便跑上前來。當我們在近距離四目交投之時，這女孩竟然一手把我書包帶中的黃絲帶扯走。她拿著手中的黃絲帶便立即掉到後樓梯垃圾桶中，於是我馬上追問道 

「喂！你做咩野！？」 





「你痴線嫁！公然帶住條黃絲帶出街！你知唔知會無命嫁？！」 

「下...？」