唔係掛，我竟然去左2025年！？: 第十話

「屌！真係你呀！啊傑！！」 

「啊焯！屌！我終於見到熟人啦！」我擁著他說道 

「屌你老母！原來你未死嫁！？仆街仔！」啊焯嗚咽的道 

　　對我來說，啊焯只是一個沒見數個月的好朋友。但對他來說，他應該已足足十年沒有我的消息，難怪見面後情緒這麼激動。現在找回啊焯，應該更能清楚了解當年所有朋友在同一日消失的真相。啊焯跟我問候數句後就把我帶到籃球場後的位置，十年前是一塊空地，十年後這裡多了一間鐵皮屋，外面更有幾個雪糕筒圍住這個地方。啊焯把我帶進屋內就把一杯熱茶交給我，然後笑道 

「唉，終於見返你啦！屌！你知唔知我當年以為你死左，直到岩岩係廣播到聽到你把聲...」 





「等等...你以為我當年死左？你指係2015年6月4日既事？」我打斷他的說話道 

「係呀，果年果件事死得太多人啦...成個香港都亂晒...我十二月係澳洲返黎之後就搵唔返你地班舊同學啦，但係政府又隱瞞同報細死亡人數...唯一聯絡到既得一畢業就嫁左去英國既麗婷...我又一直都聯絡唔到你...咪以為你....係喎屌，點解你著住呢身校服出現係到嫁？」 

「...啊焯....你姐係話...當年除左麗婷之外...所有同學同朋友你都聯絡唔到...？」 

「係呀，其他就唔肯定，不過你個電話我間唔中就打過去同whatsapp你，可惜都係無人應我，果陣我同麗婷都估到你...」 

　　奇怪了，如無意外的話，我是在2015年3月11日當晚來到十年後的，但啊焯在2025年跟我說已經有十年聯絡不到我，外國網站的死亡人單更有我的名字出現。既然我在2015年3月11日來到這裡...為什麼6月4日我會出現在佔領區內？這到底是什麼一回事... 





　　當我思緒零亂的時候，我也奇怪為什麼啊焯會出現在學校內。原來當年啊焯在地盤本來收入頗多，後來中央政府引入大量勞工和人才到建造業，把本地工人的工資和福利大大減少。啊焯眼見勞力得不到應有的回報，就乾脆到母校當個校工。想不到，一當就當了九年校工，一日三餐和住宿的地方也是學校提供，難怪他的身形比十年前發福了。 

「好啦啊傑，雖然我唔知你做咩讀返書，不過打左鐘啦，你返去上堂啦」啊焯笑道

「等等，其實我係十年前既羅子傑，你信唔信我？」 

「咪撚玩啦老表，上堂啦仲講笑」 

「屌，你諗清楚Ｄ啦！十年後既我點會個樣同十年前無分別先得嫁！你話我十年前就死左，但我點解會出現係2025年先？你唔會覺得奇怪咩？！一個你以為十年前死左十年既人無啦啦出現係你面前喎！！你唔會唔知我想表達Ｄ咩掛？？」我急促的說道 





「下...姐係點呀...我都唔明...」 

「屌，簡單D講，其實我係由2015年3月11日穿越黎到十年後！但我奇怪點解當年死亡名單會有我名，而你又聯絡唔到我！如果我真係由十年前既３月黎到呢到，無理由我會係2015年6月既歷史出現！總而言之！你一定要諗辦法幫我返去2015年返清楚發生咩事！」 

「姐係你由十年前黎到十年後？屌，叫我點信你呀」 

「屌，我係2025年得你一個朋友..點解你唔幫我呀！！」我激動的叫道 

「...咁...唉屌咁幫囉...不過啊傑你係用咩方法黎到十年後先？照你咁講，用返同一種方法返去咪得囉。細心Ｄ睇..你個樣真係同十年前無咩大分別...唔通你真係...？唔係咁撚神奇呀！？」 

「唔同你解釋啦，總之你幫我搵晒2015至2025年間香港發生過既大事比我。你等我了解左呢個世界係點先，然後我地再搵方法幫我返去2015年」 

「天啊！你真的瘋了！！」 

「屌你，咪撚講普通話，你快Ｄ幫我搵啦，我返去上堂先，今晚開始我黎你到訓」我拍一拍他的頭說道 





「唉..咁你今晚照黎呢到搵我啦...我下左班就幫你搵」 

「下左班？唉，總之靠你啦」 

　　離開啊焯居住的鐵皮屋後就回到課室的庭位上坐著，一邊看著這部從2015年帶來而開不到的電話，一邊思考如何在這個失去自由的世界下生存下去。唉...怎麼才能離開這鬼地方... 

「喂，做咩岩岩自己早走左呀？」啊璇從旁說道