唔係掛，我竟然去左2025年！？: 第十八話

跟啊焯駕車到達這個組織總部後，我們二人就坐在車上觀察一番。眼前只見總部外面設置高牆和鐵絲網，看似守衛森嚴，但實似不正常人類研究中心。我們二人雙雙點頭後，決定下車上前進內。怎料到達門口時，已經有兩個拿著槍械的守衛人員上前查問。 

「快離開！」他們操普通話說道 

「鵝文….是來抓…連俊豪的！！」我以普通話回應 

「他媽的！快離開！」 

「屌，咁撚樣點入去呀！」啊焯坐回車上說道 





「喂，呢個組織唔係專搞遊行反中央嫁咩，做咩班撚屌係門口講普通話？」 

「你咪提過你個璇璇係呢個組織既，問下你個璇璇咪知」 

「你岩喎，等我打比佢先」 

　　致電給啊璇不到數秒後就接通了，開頭她那邊仍然十分嘈吵。但聽到我一說到「組織」的字眼，她便要我稍等一會找一個安靜的地方談話。 

「啊豪，你第一次打比我就係問呢Ｄ野？」啊璇不滿的問道 





「係呀，因為我想加入，我想同你一齊共同進退！」 

「你…唔係好忙嫁咩？」 

「再忙，我都要同你一齊，我唔會比你自己一個孤身作戰」 

　　唉，說服啊璇又怎會難得到我？好歹在學時也拿過區內的最佳男主角，稍加一點點嚴肅的語氣就令她相信我了。原來，要進入這個總部的門口，需要說一個暗號給守衛人員知道。而這個暗號就是….

「雞龜骨滾羹！」 





「原來是自己人！好，入去啦！」 

　　說過暗號跟剛才的守衛人員聽後，他們立即對我和啊焯轉換態度。剛才更說出一句前半句普通話，後半句廉東話的說話邀請我們進內。看來，這個守衛才是最佳男主角。到達大樓內，一個詢問處的職員截著我們說道 

「你好！唔知咁夜黎係想搵邊位呢？」 

「我想搵林俊豪，我有下一次活動資料要親手交比佢」 

「SORRY！林俊豪早排講左呢一個月公事繁忙，所以唔見會員同訪客，如果你有野想交低擺係到就得！」 

「好，唔該晒，咁我遲Ｄ再搵佢」 

　　回到啊焯的車子後，我便把車子的座位較後點去休息思考一下，而啊焯剛坐在另一邊呆呆的噴出口中的香煙。 

「傑，你估個衰仔係咪突登避我地？」 





「我覺得…佢呢一個月唔想見人…因為佢知道兩星期後就要同我一齊返去2015…如果比我搵到佢，可能會令佢無得留低，於是佢就唔想見人…」 

「唉，你地兩個咁多年黎都係九唔撚搭八」啊焯再次噴出一口煙說道

　　回到學校準備進入停車場之際，竟然看到啊璇自己一個站在門前。於是我就叫啊焯先行回去，而自己則下車跟啊璇談一會。我們二人更決定到那家舊式餐廳多一次，沿路上我再次向啊璇問道 

「你真係為左我加入而開心到搵我？你咁傻嫁」 

「你岩岩講講到咁…平時你又成日推我..開心得制咪黎搵你囉…！」 

「啊璇」我停下來叫道 

「嗯？」 





「你覺得你係依加呢個香港生活得開唔開心？」 

「唔開心，所以先想改變」 

「你細個果陣…姐係十幾年前左右…你開唔開心？」 

「果陣好開心，不過2015年6月4日之後就咩都改變晒」啊璇看著天上說道 

「你想唔想…返去十年前改變呢段歷史？」 

「想，但發生左既野無得改變」 

　　啊璇說罷後便繼續前行，我則緊隨其後，一言不發的跟在啊璇的背影前行。如果我能回到過去，我能夠幫助啊璇改變那段十年前不堪回首的歷史嗎？ 

　　吃過宵夜跟啊璇到處四圍逛的時候，我們電話都雙雙播出通知鈴聲。於是我們便拿起電話出來觀看，啊璇數秒後對我說道 





「組織個啊豪好似飲醉酒唔開心！我要去搵佢先啦！」 

「下，哦，我都唔得閒，走先！」 

「傑，校內發生大火！我依加係醫院」12:32 

「什麼？學校被縱火了？１」 

「我依加黎搵你」12:34