不過今之拍我嘅,係表妹。

'表哥。。。我細路做咩事呀。。。'

'呃。。。不如我入你房先'

'做咩啫,唔可以係度講架咩'

'你細路其實唔想俾人知架。。。'



'佢有咩唔俾得我知咁大件事呀?'

'唉。。。總之入你房先啦!'

'哦。。。'

表妹間房,我曾經係度喊住挨落佢度,佢又曾經喊住挨落我度。

E家入去,好多感受爆左出黎。。。



'好啦,入左黎喇,講得未?'

'你細路佢。。。' 我欲言又止。

'佢做咩?'

'好似我之前咁囉。。。'

'哦。。。中左'



'中左?'

'其實佢拍拖我點會唔知吖,中二到e家佢都未喊過,點會因為成績呢d咁唔實左嘅野而喊吖,一定係俾女飛啦!'

'你。。。點知架'

'我都feel到你黎左之後佢變左好多,唔單止大隻左man左,仲比以前串。。。' 佢講下講下,突然間爆d眼淚出黎,嚇到我呆左。

'喂,做咩事呀你!'

佢一野攬落黎,不過唔係之前果隻,而係好大力,攬到我條腰隱隱作痛。

'喂。。。好。。。好痛呀。。。'

'細路變喇!佢唔再係以前嘅可愛bb...'



'呃。。。' 聽到呢一句,我都唔知俾咩反應佢,又唔知道應該點安慰佢。。。

'嗚。。。俾番個細路我呀。。。表哥。。。'

佢喊左好耐,喊到我俾佢攬到就黎窒息果陣,個同我講左句:

'我生日果陣喊,都係因為呢樣。。。'

我果下心跳停止左。

Lum番起表弟點解會變,點解會串人,點解會俾女飛。

都係因為我。



一種無名嘅罪惡感由心裏面湧出黎。

眼淚留唔住,唯有流出黎。

'對唔住。。。我令到呢一個家唔同哂。。。'

表妹望住我,同我四目交投,之後問:

'我都唔知係咪你嘅錯。。。'

'點會唔係?我黎左先會咁架咋嘛!'

'唉。。。' 佢又有d避我眼神。

'我都唔知呀,人大左始終都會成熟嘅。。。但係我真係好掛住以前嘅細路。。。



其實lum番下,佢成熟左都冇咩唔好,所以我其實都冇乜點唔開心。

但係見到佢咁傷心。。。我。。。' 佢再次低聲飲泣。

'放心,表哥會幫你安慰佢,唔洗擔心佢喎。'

佢再一次抬頭望住我,問我:

'係咪真架?'

'我幾時握過你?'

'咁。。。多謝你呀表哥。。。'



我輕輕攬一攬佢,之後出左房。

今次終於冇人拍我背脊喇。

我番入房,表弟已經訓左。

我上床,hip埋眼,反覆思考住表妹同我講嘅野。

我,係咪真係一個咁嘅衰人?

Lum下lum下就訓著左。
已有 0 人追稿