8月10日

我肯定我永世都記得呢一日。

朝早我一早起身,表弟去左study tour, 呀公呀婆去左晨運未返。

我去左表妹間房,輕輕推開佢道門,望到佢原來仲訓緊。

我偷偷地攞左我係佢生日果陣送俾佢果封信,原來佢一直都好好咁放係我枱面。



攞起左封信,突然間發現係枱上面有一行字,係封信本身遮住左果度,寫住:

攞左你就燒春袋!

我又好氣又好笑,不過話唔定句野係寫俾表哥而唔係寫俾我架呢?

再望向表妹張床,佢仍然熟睡中。

見到呢張床,又lum番去以前發生過嘅事,點樣係俾佢騎住嘅情況下安慰佢,點樣俾佢攬住,點係陪佢一齊訓。。。



Lum住lum住,忍唔住慢慢上佢張床度,錫左佢塊面一啖。

嗚呀!好柔軟嘅臉頰!

不過。。。

Oh shit!

佢醒左。。。



'嗯。。。' 佢俾我搞到紅都面哂。

'嗯。。。' 我都唔知俾咩反應佢好。

'哈哈。。。多謝你呀男朋友!'

'下!!!我唔係有心。。。'

佢唔俾我講埋個'架'字,一啖錫左過黎我咀唇上面。

我地冇進一步嘅濕吻,只係吸啜住對方嘅咀唇。

維持左廿秒。

錫到冇乜氣,慢慢鬆開。



我其實一路對同佢訓低左,繼續攬住大家條頸,額頭痴住額頭,含情脈脈咁四目交投。

'嗯。。。表妹。。。'

'你仲叫我表妹?'

''唔叫表妹叫。。。'

'我都係你女。。。朋友啦。。。仲叫表妹。。。'

'嗯。。。咁你想我叫咩。。。'

'彤彤啦!'



嘩!李倩彤!你唔好再姣d!

不過又幾好聽喎。。。

'知道未呀宏哥哥!'

'知道喇彤彤。。。'

'唔!咁就乖喇!'

'哈哈。。。'

過左黎住兩年,即係暗戀左佢兩年,終於得到滿足喇。。。

'彤彤。。。'



'唔?'

'你。。。知唔知呢,其實你生日果日我已經表左白架喇。。。'

'哈!你呢d招式我點會拆唔穿呀,大把男仔咁做啦!'

'下。。。'

'雙數行第一隻字嘛!放心,就算幾多男仔追我,我都只係中意宏哥哥你一個!'

'彤彤。。。'

'做咩啫!'



'我。好。中。意。你。呀。'

'哈哈。。。2 4 6 8 10 12! '

'你好低能'

'我係低能呀,你中唔中意我呀?'

'就係中意你低能!'

***

傾左陣,我地起身準備出門口。

呢個衰女包,打破哂我嘅計劃!

不過咁樣,都幾好吖。
已有 0 人追稿