毒撚響補習社夢遺: 1.05

1.05
 
 
已經唔知比佢地改左幾多個花名，終於落堂勒。
 
「喂，一華，準備好補償我地上星期幫左你咁多未？」小綠急不及待擰過黎同我講。
 
「雖然好似比你老屈咁，不過我係真心感謝你地上星期留低幫手抹乾淨課室的，所以當然冇問題啦。」我講出我既心聲。
 
講真，我真係想像唔到香港既女仔竟然會肯幫個唔識既男仔，仲要係抹乾淨個男仔夢遺流出黎既精。


 
「精華哥萬歲！」大波嘉欣從來冇考慮過呢個花名會令人覺得尷尬。
 
灰甲、肥敦同呀果都圍埋過黎，準備一齊放學出發了。
 
….
 
……….
 
………………….


 
我地首先去左銅鑼灣世貿度打機。
 
「我地不如去玩拍拍機，我地女子組對你地男子組。」大波嘉欣豪言壯語。
 
如是者，我地分組玩左拍拍機、氣墊球、射喪屍、瑪莉奧賽車同幾隻不知名既game。
 
玩完之後我地又走左去隔離擲彩虹。
 
「一華，我好想要果隻公仔呀，你可唔可以擲中比我呀？」小綠突然好似個天真無邪既小朋友咁對住我撤矯


 
「好啦，我會努力！」難得比人寄以重任，當然要全力以赴。
 
點知我擲完又擲，擲完又擲，擲到冇哂硬幣又再唱，然後再擲，跟住又再唱，又再擲，擲左成個鐘都仲係咩野都擲唔到。
 
「好屎呀你，算啦唔駛你幫我擲勒！」小綠有小小失望。
 
果下我真係口急如墳。
 
雖然講真同小綠唔算識左好耐，但總係覺得有一種難以言喻既親切感，亦有一種好想好好保護佢既感覺。呢d唔通就係暗戀既感覺？
 
神下，求下你比我擲中啦！
 
「一華，你擲多最後一次啦，得就得，唔得就去食野啦，好肚餓呀！」嘉欣見我擲極都唔中都冇眼睇。
 


其實唔止嘉欣，相信大家睇住我擲左成個鐘彩虹都好餓架勒。
 
我全神貫注，準備擲下最後一個硬幣。
 
我一擲…
 
大家屏息靜待，望住個硬幣拋物線咁擲出去，正正落響彩虹中間，冇擲界，得左勒！
 
正當我地準備慶祝之際，有另一個硬幣硬生生撞開左我個硬幣，最後兩個硬幣都變成擲界。換句話說，即係當擲唔中…
 
我地下意識望下究竟係邊個壞左我地好事，原來係個暗瘡大肥婆。
 
我頂，差小小就比你個肥婆壞左我好事。
 
我地全部人由興奮變成失望，不過最失望既，莫過於係小綠。當然，我冇問過小綠點解咁想要果隻公仔，亦冇問過佢點解一定要由我擲黎送比佢，只係知道我冇辦法成功擲中彩虹去令佢開心。


 
見到佢失望既樣，我覺得好難受，唔知點解果種似層相識既感覺又返黎咁。
 
上次夢醒時突然個心好似被掏空既感覺又再一次出現，好難受，點解我唔可以令到小綠笑。
 
「一華，唔緊要啦，我知你盡左力。」可能小綠見到我悔究，所以勉強擠出笑容黎鼓勵我。
 
「係囉，好肚餓呀，快d去食野啦！」灰甲襯機解圍。
 
「但好可惜呀明明本來擲中左，點知突然比隔離個硬幣撞開左。」四肢發達但頭腦簡單既肥敦冇諗過灰甲話去食野其實只係想解圍，又將大家既思緒重新聚焦響擲彩虹失敗呢件事上。
 
「唔緊要啦，我地不如諗下一陣食咩野好啦。」呀果呢個時候都幫手解圍。
 
「係囉係囉，精華哥應成要請我地食返餐好既，緊係要諗真d食咩野好啦！」大波嘉欣亦同時插咀。
 


「好呀，咁我地一路行一路諗啦！」小綠睇黎已經平復左佢既失望。
 
只係我仲係有一點點介懷，點解唔可以親手送個公仔比小綠。
 
講真，其實我自己都唔明白，明明只係識左小綠一星期，點解個感覺已經好似識左好耐咁；明明唔算好熟，但好多表現好似好自然咁；明明只係補習班同學，但真係好想令佢開心。
 
…
 
…….
 
………….