再一次愛上沒有放下的舊情人: 一.

「鈴鈴鈴鈴鈴鈴... ... 鈴鈴鈴鈴鈴鈴... ...」鬧鐘聲響起

正如一般的香港人一樣，生活在繁忙既都市，上班早出晚歸已經好普遍，唔好講早放，可以準時放工簡直係老闆恩賜

我矇矇矓矓地睜開眼，望住床邊響住鬧鈴既電話，只好逼不得已地接停鬧鐘，起身梳洗預備逼車上班

係依到，我想先交代一下背景，我叫做余志成，23歲，係依篇故事既主角，依家係尖沙咀寫字樓到做文員

由於住係較偏遠既天水圍區，平常上班都要預早小小時間搭車番工，避免有意外或者要等多幾班車搞到遲到



正當我換好衫準備出門時，電話突然響起，來電顯示並非電話入面既聯絡人，而只係八個數字組成既電話號碼

我心諗：都唔知係咪啲推銷電話。結果我果斷地無接電話

係搭車既途中，電話依然不停咁響，為免再被滋擾，我立心接聽依個會改變我未來既電話。

「喂，講野」依句係我聽所有電話都會講既第一句話

「... ...」對方並無回應



「如果你唔講野唔好再打黎，咁樣你會影響到我既日常生活，如果你無野我就收聲啦bye」我有小小脾氣地說

「等等...其實...」一把女聲立即回答

「其實...我係你以前女朋友Karen呀...」對方回答著

Karen係我既中學同學同我既初戀，靚唔靚就見仁見智啦，雖然未去到謝安琪級數但帶出街都絕對唔失禮，至於身材應該都有33C

由於對方屋企太有錢，再加上細個時候唔識諗，拍左拖一年到就散左，當然之後一直都有keep住傾下計



但久而久之因為工作太忙而開始無聯絡，而佢亦都無再搵我，後來換左電話，連電話號碼都無埋

但係我無放低對佢既愛，所以一直都無搵其他女朋友

「岩岩唔好意思呀，我以為係推銷電話所以語氣重左」我後悔地說

「唔緊要啦，係我唔好既，應該whatsapp左你先，係呢你最近幾好嘛呀」Karen說

一路上，大家都係講自己依幾年無聯絡期間發生既事，感覺好似番番去最初我仲未表白既時候咁開心

正當我沉醉係同Karen既通話入面，聽到地鐵廣播：「請勿靠近車門...」

仆街，原來我傾到唔記得落車

「Karen我轉頭打比你」我講完即刻收線，希望學閃電十一人個主角用3秒時間係人群入面穿出去



但結果係，我去到車門前面時，車門一早已經關上，我亦都因為行得太快成個砰一聲撞左落幕門到

結果換來成車既笑聲，連嬰兒車上面既BB都指住我笑

依刻，我真係想搵個窿塞個頭入去當咩事都無就算