再一次愛上沒有放下的舊情人: 五

我眼前既佢，雖然同佢一齊好開心，搵番我同佢拍拖既感覺，但我仲係覺得一個女仔唔會對一個前度突然咁好

「其實...點解你會搵番我既」我突然問

Karen聽到之後面色一沉，而且一言不發，繼續享受佢既食物，似乎並無打算回答我既問題

「其實我只係想知點解你會突然搵番我，又好似番番去以前咁，雖然我同你一齊係好開心，但我仲係好多問號」

Karen放低食緊既漢堡，面有難色好望實我，從佢雙眼可以睇得出佢心入面有野想講



「你真係想知？」經過幾分鐘既對望，Karen終於開口

「係，我真係好想知，但我唔希望你因為我而難過」

「... ...我真係好憎你好嬲你，你真係好自私」

雖然Karen並無好大聲咁鬧我，但已經足夠令我愕言，因為係我眼中佢從來都好愛我好鍚我，但我得到既答案竟然係佢討厭我

佢見我失神，低下頭講左句「對唔住」，就再無講任何野



我望住一言不發既佢略帶脾氣說：「點解你要討厭我」

佢即刻抬起頭說破口大罵：「點解？你仲好意思問我點解，我一心一意咁對你，去愛你，屋企人反對我地一齊，我都維護你

我好多野都以你行先，諗你先，但你呢？你只係一句我地係兩個世界既人就分手，你有冇諗過我感受呀，我需要咩你知唔知呀

你一直都覺得配唔起我，因為我屋企有錢，但我有冇睇你唔起呀，身邊好多朋友都叫我放棄你話你無前途無出色，同你一齊無幸福

我都覺得無所謂，因為我唔需要你養我，我只係需要你係我開心或者唔開心既時候都陪住我，而你？



你就只係諗自己，你根本無理過我感受，你話分手，我唔想你唔開心，忍住唔係你面前喊，去接受你自私既決定

一直，我都以朋友既身份留係你身邊，點解呀，因為我仲愛你唔想放棄同你既愛情，但你話唔搵我就唔搵我

你知唔知我幾難受，你又知唔知我係鼓起幾大勇氣先去再搵你，點解你要咁對我呀」

Karen一到講一到喊，喊到坐左係地，似乎被我一句「點解要討厭我」觸發左導火線，而我就被批評得體無完膚，的確，我真係一個好自私既人，無理過佢感受

佢一枝箭走左入廁所，而我則呆左咁企左係廳，腦入面浮現住我對佢做過既錯事

過左一陣，當我回過神，先識到去關心佢，行去廁所拍門

「你係入面做咩呀，有咩出黎傾好無？」我拍住門說，入面並無任何聲，咁反而令我更加擔心

「你再唔開口我撞門入黎架啦」入面依然無任何聲，於是我唯有破門而入



「呀~~~」我好似龍珠咁儲氣，再好似比卡超咁用電光火石撞開對門

點知對門無我想像中咁難撞開，由於衝力太大，我成個頭撞左落馬桶邊到，痛過比人打，正當我嘗試起身既時候

我發現...成個廁所連一個人都無，仆街啦，Karen呢，岩岩明明見到佢入左廁所架！

唔通... 我撞鬼！！！