再一次愛上沒有放下的舊情人: 十五

食完飯，因為平時時屋企都唔會有人，最多都係買個飯盒番去食，屋企可以用黎煮既野都無

「我個晚搵過你間屋架啦，你屋企咩都無既，我地一陣去買啦」睇黎佢一早已經計畫左會去我到煮野食

去到超市，只見Karen隨手拎起一包肥牛，一個罐頭湯同埋一個椰菜，一罐蒜蓉就去左比錢

我以為平時買餸都要買好多，原來小小野都已經足夠

「我幫你拎呀」我搶先Karen出聲之前說



作為一個女人，佢未必最好，但佢對我最好，單單依樣已經足夠啦，之後佢亦都好似少奶奶咁撓住我隻手番去

番到去，佢叫我坐定定等佢整，仲叮囑我唔好份去阻住佢

我一到坐係廳睇住電視，心入面一到擔心佢會整到個廚房對屠房

不知不覺我訓著左係梳化，大概訓到七點到啦，佢拎住兩碟餸出黎，之後叫醒我話我知食得

但我唔理得咁多，第一時間入左廚房睇下點先，點知一睇，咩事都無，反而仲好整齊，用完啲野唔只執好曬，而係洗好曬放番原位



「你唔信我咩」Karen嘟住嘴講

「嘻嘻，唔係呀，我想入黎執野姐」

「出去試下啦」Karen拉住我出去，兩樣餸賣相都好吸引，一個係蒜蓉炒椰菜，一樣係羅宋湯肥牛

單係賣相已經可以同鋪頭既小菜相題並論

「嘩...」我望到流曬口水，亦都急不及待試食一下Karen既手勢，食落果然有進步，亦睇得出有下苦工



眼見佢滿心期待我比佢既評價，我亦都好識做咁講左句好食

「嘻嘻，好食就好得啦，食多啲」

「你仲識唔識整其他野架？」

「唔識呀，我淨係識整依兩樣...」Karen尷尬到兩邊樣都紅曬，低下頭，似乎比我知道佢只係識整依啲而覺得唔好意思

「以後你多啲上黎整其他野比我食，等我做你白老鼠咪得」我仲未知道，我講完依句之後會有咩後果等緊我

食完之後，我負責洗碗，而佢就一陣係我後面攬住我

雖然係好幸福，但同時間依個情況好唔真實，好似突然發展得太快咁

但我一於少理，搞掂曬所有野拉佢出去一齊睇週未大電影