再一次愛上沒有放下的舊情人: 二十五

Karen聽到之後無出聲，只係低著頭，依個時候，我真係寧願佢否認

「哈」佢冷笑左一聲，抬起頭，一臉淚水望住我

「點解你唔肯信我」

「咁你無啦啦攬住個男人，係人都會覺得你地關係唔簡單啦，我都無講到出口，只係心入面諗姐

我唔明點解你係都要問，係都要我講出口先安樂，其實你知我介面意你都應該收歛一下啦」



「我對你好失望」講完依句佢就轉身離開，慢慢地，佢就消失係我眼簾中

我向公司請左半日假，亦問打左番公司，叫James幫我同其他公司講再約其他日子開會，好讓自己心情冷靜一下

可能你地會問我點解唔追番去，因為過往我同Karen嘈交，即使咩事都好，佢第二日都會搵番我

唔知行左幾耐，天色漸暗，我走到尖沙咀海旁，看著昏黃色既維港海面

身邊不斷有情侶係我身邊經過，好似提醒我去哄番Karen一樣



今日既海旁，突別寧靜，唔似平時大時大節既時候咁多人，卻又有不少情侶到來

寧靜既環境，加上海浪聲，特別令人感到孤獨

我搵張長椅坐低，合上眼，思考一下自己既錯，思考到低剛才既說話係咪太過火

就這樣，我合上眼，慢慢睡著了，進入夢鄉

夢境入面，係我之前同Karen講分手既地方，我望住自己講分手，感覺好奇怪



只見Karen見中忍著淚，笑住同我講無關係

「你唔好呀，你咁做你一定後悔架」我向住自己大叫著

但畢竟，夢就係夢，我點改變個夢境，現實都係無改變

加上，係夢境入面，唔理我點大吵大鬧都好，那個我，依然錯著

「呀成，呀成」一把女聲把我拉番去現實

「呀Wing？點解你係到既」我醒來，看著佢

「我番屋企，途中會經過依到，咁岩又見到你，咪過黎叫一叫你囉」

我沒有多說，但從呀Wing既眼中，應該得知我同Karen嘈交



「見你唔開心，我陪你啦，但你要買酒比我飲架」

「唔好飲酒啦你，我地飲可樂咪算囉」Karen並無拒絕我既建議，咁當然，其實佢都無讚成啦

其實仲有另一個原因，係我怕大家都飲醉，做左啲對唔住Karen既事

一直傾，傾到12點幾，突然，呀Wing收到電話

「呀成，你同我一齊去搵Karen呀」

我一方面擔心Karen唔知會唔會出左啲咩意外，另一方面亦都對Karen打比呀Wing相當費解

我只好依佢的，去到一間酒吧搵Karen