再一次愛上沒有放下的舊情人: 三十

「你記唔記得，上一世你同我講過，下輩子，你要早點認識我，咁我地就可以再一次挽回個段彼此錯過既愛」

「嘉琪，唔好喊啦，我一定會好好兌現承諾架」

「你都要番去啦，我地會再見架」

我睜開眼，眼前只見Karen望住我，水滴從佢既頭髮中滴到我既臉上

「懶訓豬，你再訓就遲到架啦」



我無比咩特別反應佢，因為我仲回想緊剛才既夢境入面，嘉琪到低係邊個，我從來都唔認識一個咁既人

「發咩呆呀」Karen見我沒精打采，拍打左我個頭一下

「呀，無事」我回過神，亦都換個衫，準備出門

今日行程比較輕鬆一點，除左去其他公司開番未開既會之外，就無咩特別既行程

開完會，番到公司，Karen幫我打理好一切，然後出去



係公司，我同佢既關係都比較似陌生人，因為我希望佢唔會受到同事既煩擾

依一刻，我真係好想知到低嘉琪係邊個，點解係我腦海入面會有依個人，一個我從來唔認識既人

我既一生人入面，拍過拖既就只有Karen一個，再講，咩今生來世對我黎講簡直荒謬

依個年代仲邊有人會信埋啲咁既野架

我一直諗，諗左成個上上午，始終都係毫無頭緒



「呀成，你肚餓未呀」Karen走入我房問

「你食左野未呀，未就我地去食啦」我連忙抽離自己，同Karen講

一到食飯既途中，我都無咩點出聲，我只想係我有既回憶入面記起邊個係嘉琪

未必係要搵到佢，但我真係好想知道，到低個個只係一場夢，定係真係係我既生命入面出現過

「你今日古古怪怪咁既」Karen嘗試搵話題

「無呀，可能我太早起身，累姐」我強顏歡笑地說

「咁好啦，你一陣番去早啲訓啦」Karen面有懷疑，卻又依然關心住我

有時候，我唔知應唔應該將我既所有野都同Karen講，以前啲人成日都話，拍拖應該比對方一定既空間



如果唔係只會令對方覺得被管，失去應該有既自由

但另一方面，唔同佢講，對方又會擔心自己，令到一段關係失去信任

愛情就好似雙刃一樣，既可以令人快活，又可以令人痛不欲生

食完野，當然想飲杯水，正當我拎起杯既時候，電話響起

一個8位數字既電話whatsapp我：「我係嘉琪，你幾好嘛」