再一次愛上沒有放下的舊情人: 三十五

這句話，不就是嘉琪曾告訴我的嗎

這一刻，我真係驚慌，先係接觸其他世界既人，而我女朋友又同佢講既說話一樣

「我係咪好天真」Karen見我無出聲，覺得自己就好似一個白痴咁

「唔係呀，有時候，天真一下，好多就唔洗煩啦」我笑著說

一方面，又想成熟一點，好讓身邊既人唔洗因為自己而操心



另一方面，又想天真一點，好讓自己活得輕鬆

「點解你最近好似神神秘秘咁既，你係咪有咩瞞住我」Karen一面質疑

「嗯...我...」

「姐係有啦」Karen見我講話吞吞吐吐，面有難色，接著說

「點解我就要對你坦白，你就要瞞住我」



「我怕講左出黎你唔信我，因為連我都唔相信所發生既野」

Karen聽到之後似乎亦了解到我既難處

一段關係，最緊要既唔係甜言密語，而係互相包容，互相接納，互相體諒

我並唔打算係街同佢講嘉琪既野，一方面我背住佢，另一方面我怕佢會嬲，所以我就番到去先同佢講

由夢境開始講，佢一到聽，一到覺得有趣，咁既反應都令我幾意外



我仲將whatsapp既對話比佢睇，好令佢不帶一點懷疑

「咁點解你唔試下打比佢既」Karen聽完說

係喎點解我無諗過既，盲生你突破華點

所以有時候，天真既人諗野真係直接啲，對事情有幫助啲

我聽左佢既意見，亦都立即撥打比嘉琪

「你所打既電話號碼未有登記」電話傳黎以上錄音

「無登記喎...」我面帶恐慌地說

「無理由既」Karen卻依然一臉微笑



佢接過我既電話，再撥打一次，得出既結果相同

此時此刻，我同佢互相對望，不敢說出一句話

同時，我電話響起來，係嘉琪傳來whatsapp