再一次愛上沒有放下的舊情人: 三十七

孟婆湯，又名忘情水，傳說只要飲下，便會忘記前世今生

所有愛恨情仇，浮沉得失，都會因為如此一碗水而忘卻得一乾二淨

下輩子，所有今世牽掛的，痛恨的，疼愛的，來生都會如同陌人，即使相見，亦不能相識

「嘉琪...嘉琪....呀」我睜開眼，只見Karen望住我

「你點呀」佢非但無責怪我睡夢中不斷叫著嘉琪既名，反而更加係擔心我



「我...無野」

「傻佬，你成身汗啦」佢一到講，一到幫我抹汗

我無出聲，只係笑一笑，合上眼，繼續訓

呢一次之後既一年，我都再無夢見到嘉琪

講番我自己，雖然我既事業有起色，唔再係一個要Karen要捱既男人



但我同佢既感情漸漸變得冷淡，或者係，因為工作既關係，我對佢變得冷淡

閒時係屋企，我同佢亦都唔多講野，唔似以前咁佢訓係我身邊，大家有講有笑

反而更多係我係公司做到好夜

而佢臉上既笑容，亦相對減少左好多

我唔知係咪佢介意我既心入面有嘉琪依個人，定係佢覺得我已經唔在乎佢



有時候，見得太多，可能都未必係好事黎

時間一轉，去到五月既某一日，我同Karen如常番去公司

只見老闆叫曬大家去會議室

「今日叫大家黎，係有啲消息要宣佈，我已經退休啦」

哼我聽著，不禁暗爽了一下，哼，今次仲唔到我升做經理

點知佢竟然話：「總公司已經有人選，佢已經係樓下上緊黎，大家等下啦」

咩話，屌點解唔係升我既，老老實實，我做野做得咁好，又咁幫到手

而且我第一份工已經係依間公司到做



「點解唔係升呀成既」Kenny問

「唉，我都有同大老闆講架，佢係都話要搵個人黎，咁我可以點姐」

見老闆一面無奈，又唔似講大話

「嘰嘰嘰嘰... ...」會議室既開門聲傳到耳邊

在場所有人都望住門口既男子

「幾靚仔喎」呀Yan說

我心諗，係Karen心目中，我係最好既



我望向佢，佢只係低著頭，並無出聲

而我心入面，莫名的不安湧在心頭