再一次愛上沒有放下的舊情人: 五十二

時間過去了，世界轉變了，友情沒了，愛人亦都失去了

一個晚上，我失去兩個重要既人，一個係我年少時既玩伴，一個係我唯一既愛

依兩個係我生命佔有好重要既位置既人，竟然如此對待自己

此時此刻，回想起過去我與呀邦的友情歲月，就像親兄弟一樣出生入死

又想著與Karen一齊既甜蜜時光，是何等快活，何等值得令人回味



想著想著，又教人後悔，過去既我是幾咁唔珍惜佢，我好後悔無將最好既自己比佢

但是，現在悔疚又改變到啲咩，前一陣子佢先話會等待我去改變，數小時後已經同其他男人係沙灘搞埋一齊

佢係比機會我，定係報復我如此對待佢，我已經不禁想太多

我訓係沙地上，合上眼，聽住那寧靜中傳來的海浪聲

我只想靜靜地休息一下，想一想我之後應該點做



「你訓夠未呀」呀Wing一把聲音將我睡意打沉

我睜開眼，眼前的不是誰，只是我熟悉既面孔，但我竟然心動起來

仔細一看，佢樣貌都唔太差，只係性格豪氣一點

比著以前，或者我真係會好快攬住佢，同佢表白，但我無咁做

我放得低Karen咩？至少依一刻未，我既心仲係Karen到



如果我同呀Wing講埋咩情情愛愛既野，對佢豈不是不公平麼

無論如何，此刻我都一定要抑止自己，以前對Karen已經唔算得上好好

依家佢人走了，我倒不能再傷害其他人，再犯下同一個錯誤，再失去重要既人多一次

佢見我無出聲，只係一直望住佢，佢尷尬得望向另一方

「做咩眼甘甘望住人喎」佢含羞地說

佢一講，我先發現自己係如此無禮

「我可能比人打到傻左，未回魂」我解釋

「白痴，咁依家點呀...」



「我...我唔知呀，我都唔知點算，一係你上我到訓陣啦」

「我聽日唔番啦，你比我係你屋企到休息多陣啦」

想著想著，佢咁依幾日為我做左咁多野，我都唔好意思拒絕佢

「好啦咁，你肚唔肚餓呀」我問著

「小小啦，其實我仲未食野...」佢低著頭說

「我同你去附近既餐廳食個飯先啦」

「嗯」



我伴住佢，去到一間食粉麵既餐廳，雖然如此，但間野都有飯食

我望一望個餐牌，一個黑椒豬排飯居然要40幾蚊

對於做街坊生意既鋪頭，也未免太貴啦，對於現今社會既改變，我也只好搖搖頭

呀Wing睇完餐牌，叫左個魚蛋麵，似乎佢都意識到依間餐廳既價錢，所以選擇比較便宜既食物

係等待食物黎既期間，電話響起來，依個來電，將剛才發生既事從腦海中勾回來

電話屏幕顯示如此兩個字：呀邦