再一次愛上沒有放下的舊情人: 六十

「哈哈哈哈哈...」我耳邊傳來了笑聲，我望向聲明傳來既方向

見到兩個女人坐左係到望住我笑，一個係我女朋友Karen，一個係呀Wing

「喂，你男人醒啦」呀Wing說

「點解你黎左唔叫我既」我驚訝地問Karen

「廢是阻住你訓教嘛懶訓豬，況且我又有你鎖匙既」



「咁岩我又醒左，見到Karen上左黎，我咪同佢整早餐囉，諗住一陣叫你架啦，點知你又醒左」

我起身刷完牙，享受兩個美人為我整既早餐，雖然味道唔及得上我整既咁好食

但我都覺得合格，始終Karen以前既廚藝真係可以用恐怖形容，而呀Wing既手勢我又未試過

「好彩有呀Wing咋，唔係我諗食完會中毒」我開玩笑地說

「你去死啦余志成，係人地面前咁樣話自己女朋友」Karen被我咁樣話法，即刻紅都面曬



「講笑姐，我女朋友無咁小氣既」我攬住Karen說

「得啦依家，唔洗理我依個外人架啦」呀Wing亦同樣開玩笑

依個時刻，一個係自己女朋友，一個係自己好朋友，咁樣有講有笑，真係無幾可

食完野，我地三個人一齊番工，落到街，Kare企係中間

唔知係咪我錯覺，一路上都有好多人望住我



當然我有自知之明，唔會覺得佢地望我係因為我靚仔啦

但身邊有兩位美人伴住，又確實引人妒忌既

或者自卑既毒撚路過會諗，屌點解條撚樣咁樣衰都有女，仲要兩個，我個樣普普通通就只係可以同左手瘋狂抽插

老老實實，依一刻我真係覺得自己係人生贏家

雖然呀Wing唔係我女朋友，但有咁既女仔做朋友，對於其他人黎講我真係三生有幸

「你做咩係到傻笑呀」Karen撞一撞我

「你覺唔覺成街既人都望住我地」我問

「你笑到成個傻仔咁係人都望啦，再講呀你以為自己真係好靚仔咩，照下塊鏡啦余志成」



雖然我無將佢既說話放係心，但佢咁樣一講真係將我腦入面既所有幻想毀滅

天呀，點解我有個咁唔通氣既女朋友架

番到公司，經理即刻叫左我入房

「呀成，黎緊三個月我都要去外國做野，依到就暫時交比你打理啦」

「係既」雖然我覺得自己無法勝任，但出到黎做野，又點可以比人知自己無信心呢

我只好接受佢既請求，暫時做住三個月話事人

「呀，我仲有一個問題想你幫幫手諗」Leo如此一說