再一次愛上沒有放下的舊情人: 六十四

「係呢，你想食咩呀？」我一到行一到問

「咁心急做咩喎，你一陣去到咪知囉」Karen故意賣關子

一路上，我都覺得條路好熟，好似之前因為某啲事行過咁

但可能我份人善忘，成日都唔記得好耐之前發生過既野，就好似上個星期經理叫我做既野

我都唔記得，結果要佢幫我做埋，好彩佢都無怪責我



諗到依到，其實Leo亦都對我好好，雖然唔知佢係咪有咩指令要佢優待我

但佢真係對我唔錯，就算我做錯咩事佢都唔會點話我

我就當佢係情敵一樣，實在唔似樣

「又諗咩呀」Karen撓住我隻手問

我只係笑一笑，並無答佢



一方面唔想再引起咩爭執，另一方面其實都唔緊要啦

行多無幾耐，都到間餐廳，我望一望間野，我有點摸不著頭腦

「點解...」

「我訂左位架啦，我去拎位先」Karen說

「小姐有咩幫到你架」侍應問道



「我訂左位架，姓陳，兩位架」

「陳小姐...呀搵到啦，有位架啦，你地可以入去」

我就跟住Karen後去，誰不知侍應欄住我

「余生，你唔係話取消個預訂既咩」

無錯，依間餐廳就係本身我訂左想同Karen黎食既餐廳啦

點知取消左，依家又黎番，所以話，有啲野，係你就係你

無論你兜兜轉轉幾多個圈都好，佢都係番去你身邊

我對住侍應既提問，完全唔知點答，反而Karen幫我解話



「佢唔知我訂左位，所以都訂左，係我地之間既誤會，打搞到你地唔好意思」

侍應帶我地去預訂左既位置坐低

「你都訂左位既咩...」Karen一坐低就問

「係呀，因為你話去食野嘛，咁我咪取消左囉」

「你唔同我講既點解」

「依啲咁小既事有咩所謂喎」我笑著說

「不過咁都證明我地諗既野好似，鐘意既人都差唔多，而且我地心靈相通」Karen好似個小朋友咁笑著說