再一次愛上沒有放下的舊情人: 六十七

Karen見我跪左係地，佢個樣就好似唔撚係掛隻樹熊咁

慢慢地，路人開始圍觀住，但佢依舊無出聲，只係企左係到

「其實我知道我係唐突左，而且好似好兒戲咁，但我其實好認真」

講完佢依舊無出聲，我唔知佢係咪有難言之隱，定係佢覺得咁樣好無面

我見佢依舊無任何行動，我就起身，而路人亦都覺得無野好睇，紛紛四散



「對唔住」我道歉說

「點解要道歉呀」Karen低住頭

「我知道自己係條街咁做你覺得好無面，但我其實好認真」

「我只呀，但係...」

「但係咩？」我問



「結婚要搞好多野，好忙，又要洗好多錢，好多野諗」

「我唔想我地兩個咩都未傾，咩都未有共識就應承你」佢接著說

我無出聲，亦都無任何表示，但心入面百感交集

望住眼前既佢，係幾咁成熟，幾咁識體諒人

相比之下，我就只係對我同佢既將來睇得好輕鬆，從來無同佢好認真咁傾過依啲問題



我一個人行到欄杆邊，望住海浪不停拍打岸邊

我覺得自己再配唔起佢，我覺得自己根本唔會比到幸福佢

可能係好多人眼中，我只係一個只係識諗自己既垃圾

只依一刻，我真係好想有一個人了解我心入面係點諗

Karen突然從我身後攬住我

「你做咩突然咁樣呀」佢問我

「我係咪好唔成熟呀」我轉身，望住佢說

「有時小朋友左啲囉，同埋有時做野好衝動咁」佢講



從佢既眼神，我睇得出佢並唔係講笑，而係出自真心

「你可唔可以聽我講」

「講咩呀」佢笑住問

望住佢既笑容，就好似天上既仙女下凡一樣，其實我又點忍心傷害佢

「其實...」我講左兩個字，已經好想喊，我知道自己如果再講落去一定會喊出黎

「嗯？咩呀」佢天真既樣，更加令我難過，我真係唔想令佢再唔開心

但我始終要同佢當面講清楚，仲記得以前睇過一套叫「香港仔」既電影



入面有一句說話好衝擊人心，佢咁講「有啲野，成日唔講唔講，再最後就永遠都唔洗講」

「Karen呀，我覺得我自己已經配你唔起啦」我如此說