再一次愛上沒有放下的舊情人: 七十二

我坐左係廁所外面，一到聽住廁所傳來Karen既說話聲

雖然聽唔到佢講緊咩，但聽得出佢既語氣好沉重

過左一陣，入面再無傳出任何聲，我見如此，心裡面亦都開始著急

我用我既身軀不停撞對門，但我唔知係自己個身對左豆腐定係對門太硬

撞左好耐對門都撞唔開，我不停拍門，大叫著Karen個名，但依然毫無答覆



突然，門開了，見到Karen自己行出黎，我個心都安定啲

「Karen，做咩咁既樣呀」我見佢無心機，神情失落，摸住佢既面頰問

佢無答我，就好似完成見唔到我，聽唔到我既慰問一樣

「對唔住啦，我知名我唔應該未問過你就聽你電話」我以為佢嬲緊我，我就趕緊道歉

「唔關你事」佢望住我，語氣平平地說



「咁...」

「你唔好咁多事啦，我既野唔關你事呀」佢未等我開聲，已經搶先罵止我

我望住佢失魂落魄既眼神，而佢就低頭一言不發

如此尷尬既情況維持左好一段時間，我始終按捺不住

我上前攬住佢，雖然唔知點解佢突然咁樣，但我始終係佢男朋友



「傻瓜，有咩事都好，我都會係你身邊支持你，鼓勵你

我應承過你架咩，就算全世界背叛你都好，我都會係你身邊陪住你」

雖然我口講出黎好聽，但講完諗完之前做過既野，確實無地自容

「你去沖涼先啦，成身臭汗味」佢終於開口，而且面有微笑

雖然睇得出係裝出黎，但我亦知道佢唔想我擔心先咁樣

「好啦咁，我去沖涼先啦」我不捨地望住佢

「我愛你」我臨入浴室之前都講句肉麻說話，錫佢額頭一下，先捨得入去