再一次愛上沒有放下的舊情人: 七十四

仲記得個一日佢主動咁搵番我，然後第二日又話玩咩遊戲

諗番起自己比佢係我身邊溜走，其實都幾無用

或者係，我怕佢又再一次係我手上離開，所以一直都唔敢訓著

只怕自己一訓醒，屋企就得番自己一個人，孤獨咁望住間屋流淚

我應承過自己，犯過一次錯，唔會再犯第二次



我望住個鐘，七點，八點，九點，時針慢慢向住下一個數字行

身邊既Karen依然未起身，我想著佢起身一定會肚餓，就去廚房住定野食

等佢起身有野可以食，係我同佢既假期有個好開始

我入到廚房，打開冰箱，只係得番數隻雞蛋，一定係佢學整野食既時候將屋企既野清曬

我無奈地拎住個幾隻蛋，同埋係櫃到拎左包公仔麵出黎，煮個成仔愛心早餐比我女朋友食



我捧住熱騰騰既野食出到廳，然後再去叫醒佢

Karen嗅覺好靈敏，好多時訓訓下教聞到有野香味都無起身

「Karen起身食早餐啦」我搖著佢既身軀，希望佢會睜開眼

佢依舊無起過身來，我就心知不妙，馬上將手指放係佢既鼻前

發覺無左呼吸，如此一來我先識得驚，即刻打999報警



「喂，係咪999呀，我女朋友係屋企暈左，無左心跳呀，依家點算呀」

「先生你冷靜小小，你快啲講過地址我地知，我地先可以叫白車黎送佢去醫院架」

我說話地址，然後就收線

我將個隻手放係佢既心口附近，感覺到有微弱既心跳，我先至放鬆一點

「啪啪啪」正當我呆左坐係到既時候，門口傳來一陣拍門聲

原來救護員已經到，果然著制服既除左警察之外其他都好做到野

眼見佢地馬上幫Karen做急救，我就只可以係旁邊望住，咩都做唔到，心入面不禁一沉

只係希望如果真係有神既話，可以幫佢依一次



​只要佢無事，就得啦