「下午三點 依家由黃維為你報道一節新聞 位於嶺澳核電廠鄰近既大亞灣核電廠傳出核洩漏事故 中國表示會用盡一切方法防止事故再次發生 並將玩派發機械人前往核電廠 檢視損壞程度 目前該核電廠嘅輻射嚴重超標1500倍⋯」

「咁奇怪嘅⋯⋯」
我係市面兜左幾圈 沿路上得好小人⋯
全部都係着晒保護衣帶埋防毒面具既解放軍⋯
連最熱鬧嘅屯門市廣場 都冇晒人⋯
「無理由架⋯ 我暈低之前明明有好多人湧入去屯門架喎⋯」
「點解可以成個屯門都無人⋯」

出面好鬼焗 仲要熱到死




我着住厚厚嘅保護衣 仲要帶住嗰個令我呼吸困難嘅面具,
感覺上就快中暑⋯
「算數啦⋯ 我都係搵個地方暫避⋯」
我見到我鄰近有個公園 就行入去打算乘涼⋯
「原來呢度係屯門公園⋯」我望住個指示牌
「都有一段時間冇行過嚟⋯⋯」
我記得我上次來呢度 係講個仔啱啱識行嘅時候
講起上嚟 都差唔多成五六年前嘅事⋯⋯

「你睇吓佢 行得幾快!」老婆講




「話唔定第時佢可以做跑手呢」
「緊係唔係 做醫生律師啲錢搵到錢架嘛」
「搵到錢有乜用姐 要佢開心先得咁呀」
「無錢又點會開心啊 計我話而家應該準備定架啦」
「搵錢無用架老婆 好似我依家咁搵到錢但係唔係我理想嘅工作」
「呢個社會仲講乜嘢理想呀 計我話有錢就有理想!」
「咁你有乜嘢大計啊?」
「等佢大個啲就要上定啲補習班 等佢遲啲上幼稚園同小學都易入啲」
「但係咁樣佢就無晒童年架喎⋯⋯」
「你要佢而家有童年 定係想我哋第時安享晚年啊?亅




「⋯得得得 依家講乜都啱啦…」

我望住當日我同佢哋坐嘅涼亭
不斷諗返起之前發生過嘅嘢
「放心啦⋯ 我會來搵你地⋯」

我行入去屯門西鐵站 順便入去嘆冷氣
但係著住咁厚嘅保護衣 基本上感覺唔到乜嘢⋯
成個西鐵站仲有電 但係一個人都冇⋯
就好似「那夜凌晨」⋯⋯
成條路軌都冇一架西鐵 就剩係得到站個架西鐵⋯
不過令人驚訝嘅係 我個八達通居然仲work⋯

「嗰度司機門仲係打開⋯⋯」
「不如用架西鐵由屯門揸去紅磡」我忽發奇想




我行入去個駕駛艙 見住一大堆不明既按扭
我坐低咗之後 是但禁左一粒製⋯⋯

「請勿靠近車門 請不要站近車門 Please stand back from the doors」