果個女仔做咩一直係到望住我: 2

四年後。 
「阿仔!起身番學啦!快手啦!你記住呀!今日你番既係新學校，唔再係以前果間爛鬼學校啦!知唔知呀!」老母一路嘈，一路煮早餐俾我食。 
「得啦得啦!好快……」我急急刷完牙，狗衝食埋早餐就出門口，番新學校。 

入到新學校，見到個新班主任，四十多歲，架上一副大雄眼鏡，係一個好有成熟氣質既男人!我同佢兩個一路行，一路吸引住不少的女性目光，一睇就知佢地見到我同阿sir靚仔同有型就係到瞰，無估錯既話下面應該濕哂。快D番班房換底褲啦同學。 

「各位同學，等我來介紹，這位男同學叫何朗然，剛剛由我地既姐妹學校轉校來這裡，大家要對佢多多照顧喔！」楊sir頓了一頓，猶豫道：「安排你坐邊好呢？」 

狗女們爭先恐後「呢到呢到!我對新同學好細心架! 」 「坐呢到啦!我成績好好，一定幫到佢! 」「妳成績好有鬼用咩!個胸咁細，點溝人呀!坐我呢邊啦!我會請你食波餅架! 」佢地是咪痴向左走向右走線架其實，咁既野都講得出口。 



正當全班女都係到爭取我同我坐既機會之際，我忽然留意到一個坐係最後既一個女仔。佢果對眼一直係到望實我，個神情好唔自然，好似好驚訝咁，同埋……佢有D熟口面，不過一時之間唔記得係邊到見過。

「楊sir!我就坐果到啦，我咁高，坐前面會阻住其他同學上堂架! 」「好!你就坐果到啦! 」 


我徐徐走過去，一坐低就用我平生最chok既樣咁自我介紹: 「hi!我叫何朗然，係今年既插班生。我好似見過妳，其實我地係咪識嫁呢? 」 

「其實做得同學，就好難唔識既。」佢一句就將我完全Stop la，睇黎呢D咁既開場白真係唔多適合眼前呢位小姐。  

「咁一係我講個笑話妳聽啦!從前有三隻蝦，叫做哈哈哈! 點解妳唔笑既?唔緊要!我講第二個笑話妳聽啦咁。有一日，小蜈蚣同佢爸爸講左一句說話，佢爸爸就暈左，知唔知點解？因為小蜈蚣話:『我想要買鞋。』 哈哈哈哈……」 



佢: 「………………….. 」 

我: 「……….…….」 
 

「唔好意思，你講既野真係好智障，我一D都唔覺得好笑囉。係啦，我叫黃穎希，你中意點叫我就點叫我啦，自以為靚仔既傻仔。」跟住佢留低左一個達哥式既ending:「完………………」 

「鈴... 」放學鐘聲響起，身邊既黃穎希一打鐘就跑走左。 



「方唔係同佢條仔開房扑野咩。其實佢都幾靚阿…」 

正當我係到沉思緊既時候，班房出面有好多女仔係到聚集，係到偷望緊我。 

「就係佢啦?新黎果個男神?好靚仔阿! 」 
「佢英文名叫咩名呀? Lyric? 好有型阿!人如其名，散發出既果種氣質就好似歌詞咁熱情奔放。睇黎我有少少中意左佢……..」 

班房出面有好多女仔聚集左係到，佢地既目的睇黎都係想將我溝到手。 
當中不乏校花級既美女，但係我對佢地一D興趣都無，個心只係不斷咁諗住黃穎希。 
Hi Hi啦!點解我會一直都諗住佢? 
係呢個時候，我決定左唔再諗佢，直接衝番屋企打機算。