其實煎釀三寶真係好鬼好食,都唔明D人點解咁唔中意食。 

我咬住舊豆腐,行番屋企既時候,突然係公園見到有個女仔既則面,好靚,好似有好多心事,月光打落黎,照住佢既一邊面,另一邊面就黑媽媽咁,睇唔清,睇唔透。咪住先!佢咪就係黃穎希?點解佢夜媽媽會係到嫁!仲要拎住行李? 

我急步走上前,發現真係黃穎希!不過佢個樣好唔開心,好似岩岩喊完咁。 
我行到去佢前面,細細聲咁問佢 
「黃穎希小姐,妳無事嘛? 」 
佢抬起頭見到我,忍唔住大大聲咁喊出黎,仲摟住我抽我水! 

良久,佢漸漸回復情緒,塊面有D紅咁講: 「唔該你。」 



「黃小姐,而家已經係十一點半,妳一個女仔拖住個喼周街走,好危險架!仲要咁靚女tim。一個唔覺意有咸濕佬咁點算? 」 

「你咪就係個咸濕佬囉! 」 

佢望住我對手,我先發覺我仲摟住佢。於是我即黑鬆手,講左聲對唔住就想走。 

「喂!我都未答你問題,你咁急想走去邊呀!我無家可歸呀!你知唔知邊到可以收留我呀? 」 

穎希捉住我隻手,想唔俾我走。 



「吓?我可以點幫妳阿?妳去妳D親戚果到住唔得咩?」 


「唔得阿!我同佢地一D都唔熟。」黃穎希嘟長左嘴,楚楚可憐咁。 

「如果妳信得過我既,去我到住住先啦。」 
我講得好細聲,好似唔想俾佢聽到咁。 

「吓!你果到?你想點呀! 」 



黃穎希一邊嚇到花容失色,好似驚我會食左佢咁。 

另一邊塊面好紅,紅過紅蘋果,我懷疑佢心臟病發。 

「黃小姐,雖然我唔知妳因咩事而要離家出走,但係妳而家好似無任何選擇。妳放心啦,我唔會對妳做D咩既。」 


「但係…」 


「但咩係呀!行啦!」 

我拎起佢既行李,朝我家進發。 
其實我發夢都無幻想過,現實中竟然會帶一個女仔回家。 


好不可思議的感覺,好似係發夢既感覺。 


「你可唔可以打下我。」 
我們回家的路途上,我突然說出這句話。 


「下?」 


「無野啦。」