果個女仔做咩一直係到望住我: 6

當晚我發左個夢，見到自己係一場爭取真普選既運動入面，同一個女仔一齊為民主而奮鬥。 
個女仔個樣好朦糊，唔知係邊個，但係又好似幾靚。 
呢個時候，有班警犬追住我地黎打，我一路拖住個女仔跑， 
一路係到大叫 
「走呀!走呀! 」 

跟住聽到一把聲係到問 

「走咩呀? 」 



「總之就走啦! 」 

「你個死傻仔up乜春呀!喂! 」 

「呀!痛呀頂你!做乜春呀」 

我摸住塊面，抬頭望住眼前帶點邪氣望住我既黃穎希。 

「都唔知你做乜!晨早流流係到嘈嘈嘈。咪一把打醒你囉! 今日星期六呀。我地有咩做呀? 」 



黃穎希問。 

「妳都識講今日星期六啦，咁緊係訓耐D，跟住打機囉! 」 

我沒好氣咁答佢， 

「妳控咁埋做乜9呀死變態。」 

我推開黃穎希，走入浴室梳洗一番。 



一出到黎，就見到穎希開左我部ps4。 

「喂!同你打fifa! 好耐無炒人啦!」 

穎希唔知醜咁想玩炒我。 

「聽妳咁講我真係笑出黎。哈哈哈!挑機囉! 」 
我用多蒙特讓佢，佢用皇馬。 


二十分鐘已過，我呆住望住左上角既比數 2:0 

「幻覺黎嫁姐!我未食早餐之嘛!食完再打! 」 

我唔敢相信自己既眼睛，於是叫外賣，再去屙個靚屎先再打過! 



食完野，今次我認真打! 
於是我用英超又輸一場既曼聯，同佢既車仔挑機。 

「Hi 你個死肥仔跑啦Hi Hi! 」 

「Hi 你個廢蘭尼可唔可以唔好咁廢呀!波都唔識頂。」 

「Hi 你個伊雲斯可唔可以唔好派膠呀! 」 

話口未完，穎希一個三角形超靚直線，個波由法比仔交上去俾師子狗，再推過迪迪仔，將我無限中出。 


「唔向左走向右走係掛?食屎啦! 黎多次!」 



我嬲嬲地咁大叫，想報仇。 
「你成日都輸，一係咁啦，下場如果你再輸既，你就要應承我，做一件事啦。如果你可以打低我既，我為你做一件事又點話? 」 

黃穎希下戰書，想侮辱我。 

係呢個moment，我要爆啦! 

我即刻用銀河艦隊，我要打低佢既地上最強! 

「Hi Auntiebale跑快D啦! 」 

「kroos真係無向左走向右走用，早知就用基迪拉啦! 」 

「食屎啦!垃圾卡斯咁都撲唔到! 」 



沙維一個超靚三角形俾美斯，然後美斯一野橫傳俾尼馬，再通我卡斯大細龍門。 

「黃大小姐，請問妳有咩要求呢? 」 

「暫時未諗到!諗到再話你知! 」 

睇黎，我往後都唔會有運行啦