果個女仔做咩一直係到望住我: 8

「何朗然!幫我落去買燒賣! 」 

「何朗然!同我死去幫我交功課! 」 

「自以為靚仔果個!因間lunch唔好走左去!同我一齊去搵班低form游社接! 」 

係學校既我，成為左黃穎希既私人男僕(唔係你地諗果D) 


個幾月已過，每日係學校做完功課之後，夜媽媽學校都差唔多關門，先同黃穎希一齊番屋企。 



始終俾其他人知道我同佢同居唔係幾好，廢時俾人閒言閒語。 

每日放學番屋企就同佢打fifa，希望可以將呢個萬世魔王打低， 

可惜我一直都未試過打低佢，打得最好都係同佢和波， 

結果我做左佢隻狗，慘到無朋友。 

係學校入面，佢有一眾兵仔，當中不乏米八型男同陽光男孩。 


當然，毒向左走向右走自然都一大堆。 
每一日既lunch，都有唔同兵仔想約佢食飯， 
不過佢一一拒絕哂，因為佢都有班感情好好既friend，每日都會同佢地食。 


「其實你根本就唔洗對佢咁好，佢雖然係靚，但係大把女想溝你啦，點解都要俾佢食住啫。」 

龍仔食緊意粉，成嘴都係茄汁，問我條咁既問題。 
龍仔個樣雖然毒毒地，但係成績好到老母都唔認得， 
而且仲有個女神級既女朋友，都算係個學校既勝利者。 



「可能係我心甘情願掛，我都唔知。」 

我一路食豆腐火腩飯，一路答佢。 


問心果句，其實點解呢?我都唔知。