果個女仔做咩一直係到望住我: 20

我花左少少時間睇，其實好明顯係裝左太多大陸網既程式， 

跟住一開機就自然彈哂出黎，電腦又無防毒軟件，所以行得非常之慢。 

我將無用既軟件全部del走，裝左小紅傘入去，run多次部機，結果非常暢通。 

「我搞掂啦!妳下次…」 

我正想轉身向望晴交代佢部電腦既野，但係發現佢唔知去左邊。 



「望晴? 」我大聲叫。 

突然廁所門一開，見到望晴身上只係用條毛巾圍住自己， 

頭髮濕淋淋咁，明顯係岩岩沖完涼。面對突變，我立時處變不驚，即刻拎住身咁講 

「部電腦已經搞點啦，妳去check下? 」 

「不如妳著番衫先啦，咁樣唔係幾好既，好易凍親嫁嘛。」 



「得啦得啦，我去睇下部電腦先。」 

望晴跑入房，睇番佢部電腦，理論上都會換番衫，所以我都唔方便入去。 

「喂!我都唔係唔識用啵!入黎教我啦」房內，響起望晴既聲音。 

「邊到唔識阿…」我打開房門，想問望晴，但係唔見左望晴。 

突然背脊feel到有兩舊野撞埋黎，我臉上一紅，擰轉身，發現自己同望晴既距離僅僅得5cm，腰間一暖，係望晴摟住我既腹肌。 



「做咩阿妳? 」我細細聲問。 

「由你第一日入黎學校，我就已經覺得你好似神一樣咁打救我。我相信呢個世界有神，不過神都係人，但係佢做到D人做唔到既野，所以佢係神。不過其實你又知唔知，大部份人會做既野，神耐唔屎都會做下既…」 

點解佢會將頭D既經典對白講出黎嫁，呢D野明明係男仔講嫁喎。 

「傻瓜，我中意你，我好中意你。」 

說畢，望晴就吻向我，望晴嘴唇比黃穎希既薄， 

但黃穎希既質感好似比較好。不過黃穎希係鍚我塊面，唔係嘴，所以唔能夠一概而論。 

係佢不斷向我索吻既同時，我諗起之前一個故既作者。 

佢有一個term，令我印象深刻。禮貌性性行為。一個女仔送上門，我無理由唔食既， 



再加上黃穎希條友又唔想我番去，咁我唯有食住先啦。 

有得食，真係唔食咩? 

諗到呢到，腦海就好似一片光明，絲毫猶豫都無，盡情投入接住落黎既激戰。