果個女仔做咩一直係到望住我: 33

「妳個死女包，又遲到，下次我唔鬼咁早出黎啦。」 

我望住手錶，責罵眼前一位少女。 

「對唔住囉!行啦，好肚餓呀我。」 

少女說罷就撓住我既手臂咁行。 

「點呀妳，收左幾多兵呀何家小姐? 哎呀!」 



我帶有半諷刺咁問，亦都俾呢位少女打左個頭一下。 

「何朗然!你唔係呀嘛?乜我似D咁衰既女仔咩? 

你究竟仲記唔記得我呢個細妹架!」 

「關心下妳啫!我好有妳心架。 

我銀包仲有同妳張自拍tim囉好唔好。」 



「得啦得啦!知你對我好啦! 行啦! 

媽咪同左uncle去旅行，今晚果餐就靠你嫁啦。」 

「去意粉屋啦小公主! 」 

走入意粉屋之前， 

好似見到一個好似係穎希既背影經過，但係又好似唔係咁。 



「何芷盈，其實點先係中意一個人? 」 

「中意一個人，就係會不知不覺咁為佢付出，郁一郁都知對方諗緊乜。 

最重要既，係佢比其他人唔同，可能佢唔係最靚，最完美， 

但係最吸引你，咁就係中意佢。」 














其實...中意一個人，究竟係點?