去到中四既時候,佢既父母同佢講, 

話佢原來佢既未來已經定斷左,佢既未來唔係同佢想同既男仔一齊過, 

而係一個從來未見過既男仔一齊。 

佢好嬲,不過嬲左一排, 

先發覺自己其實係咪真係嬲得有道理? 



係lift撞到既男仔,又只不過見過一次,同埋成個白痴仔咁, 

只係一個自以為靚仔既靚仔咁啫。 

諗落諗落,好自然就想放低個男仔, 

靠既,就係收兵,識多D唔同男仔,令自己覺得, 

呢個男仔根本唔係咁值得佢日掛夜掛。 



結果,當然做唔到。 

直到中五,佢聽到會有個男插班生會黎學校, 

仲同佢同班,聽講仲幾靚仔,咪諗住收佢兵囉。 

點知佢一入黎,果個就係佢一直日夜思念果個男仔。 

何朗然?個名咁老土既, 



但係又真係幾靚仔既。 

個男仔一黎就坐佢則邊,仲好似想溝佢,咁佢緊係唔知想點啦, 

就冷冷淡淡對付左佢,之後再從長計議。 

原來佢發覺到,佢一直仲中意個男仔,一直都無放低過佢。 

直到有一晚,佢同父母嘈交,佢父母話要送佢去外國讀書, 

同個男仔一齊tim。咁佢當然唔理佢父母,嘈嘈下仲離家出走, 

唔再番去。行行下,行到去一個公園,想坐低休息下, 

發覺一個男仔食住煎釀三寶咁過黎,仲係到自言自語話好好食,點解D人唔識食, 



真係好想笑出黎。不過佢無做到,因為佢唔想個男仔知道佢諗緊咩。 

到之後既事,個男仔應該一清二楚。 

而佢,亦到好肯定自己係同個男仔同居既時間入面 

徹底愛上左佢。 

直至到一個月前,佢媽媽打電話俾佢, 

話佢知佢同個男仔終於要去外國讀書, 

係一個月之後就走。佢無得選擇,因為連退學野都搞完, 



佢一定要走。係走之前,佢唯一可以做既,就係講個故事俾個男仔知。」