言續我們的故事: 第二章，感到了

第二章，感到了

佢拖住我隻手越行越快我就越行越慢，就好似我拉番住佢一樣

「 餵呀～」雪盈宜一句好很嗲呀～
「做咩呀～」我用番佢啲口吻嚟答佢
「我問你呀！，做咩行得咁慢呀～」雪盈一樣係咁嗲
我一本正經地答番佢「做咩要行得咁快呢！你好趕時間」
雪盈有小小嚇親「唔係呀，咁我地慢慢行番去囉～」



雪盈拖住我隻手繼續行，我地途中有傾有笑佢一句我一句，連我自己都唔知我地行咗去邊？不過我真係同佢傾得好開心，好享受同佢一齊行宜段路……

雪盈突然停低左，用佢纖幼嘅手指彈咗我額頭一下
我捉住佢隻手拉佢個人過「好痛呀！」我地個頭差少少就掂到對方，我睇住雪盈個樣越嚟越紅，我心諗:今次真係玩大咗添「睇落你面紅個樣都幾可愛嗰喎！」

佢一直望住地下「冇呀！邊到有面紅喎~熱揸媽」

我立即捉住佢個頭貼落我個頭到「係喎！真係好熱喎~」

雪盈冇去反抗「攞部手機出嚟呀～」



我喺個袋到搵左一陣，終於攞到部手機出嚟，
佢一手有就搶咗我部手機走
雪盈企咗喺我隔離不停㩒部手機之後又用我部手機一齊自拍，自拍完就第番比我

雪盈轉個身「我走啦！」

「你去邊呀~又話送我返屋企？」我完全唔知發生咩事

「番屋企囉！我到咗啦～下次見啦」講完雪盈就跑咗入大厦



開著部手機睇下佢做過啲咩先， 原來雪盈將佢個手機號碼入咗落我個聯絡人到，將相仲係我地張自拍！我一路睇住張相一路笑住咁行番屋企