是咁的，我用左枝黑施風殺左人: 第二章 屎眼危機

就係公司開lunch嘅時候，我用左一張金牛賄賂清潔阿叔

叫佢幫我拎封信比我嘅未來老婆 Wendy！

我千叮萬囑同阿叔講

「阿叔，雖然我同你識左唔夠兩個月，但你所做嘅野會對我嘅將來會有好大嘅影響！」
我用住我對死人眼望實阿叔，我相信係眼神之間
阿叔知道發生咩事





「得啦！後生仔！阿叔幫你拆掂佢！」

拆就唔洗拆啦 幫我拎封信比女神就得啦

係放工之前，我除左執緊我個紙皮箱，就係度FF緊
等緊女神認承左我之後會可能發生嘅嘢

我唔指意要有柏拉圖式嘅愛情
我只係要有好似AV嘅愛情！





就係咁，終於到左放工嘅時間…

我坐左係我個位度，一路留心望住坐我對面嘅女神…

同事都走得七七八八，而女神都執嘢準備走

我緊張到，個心臟就快係我個心口飛出泥直接同女神表白。

但我要等，因為我認為女神一定會明白我嘅心意。





依個時候，女神拎起左個手袋！

佢！

佢行緊我依邊度！

「你…你係米叫…Tom？」
女神竟然連我個名都唔知，雖然係有少少sad，但我都9衝答返佢

「唔係！我個名叫Tony呀！」

「喔…」女神若有所思咁望一望我。

唔通佢要同我表白？！





「你都好勤力喎！比人炒都要留到最後一個走！」

「係呀！我認為就算比人炒都要為公司盡最後一口力！」我嘗試係女神加分

「哈哈，咁我唔阻你啦，拜拜~」女神轉身就走

吓？吓吓吓吓吓吓吓吓吓吓吓吓吓吓吓吓吓吓吓吓吓吓吓吓吓吓???????????????????????????????

「等陣呀！Wendy！」

「咩事呀？」

「你…你唔係睇左我封信咩？點解…？」

「咩事呀？Email我就有睇，信我就無見過啦。」





我差少少就跪左係女神面前，但我無咁做到…

我只係目送我嘅女神離開公司大門…死死氣氣咁行返埋我個位執嘢…

當我清理我個位到得返一枝過左期嘅“黑施風”殺蟲劑嘅時候，突然老細走到我面前。

屌…原本都想打柒你，如果唔係你比埋依個月糧我嘅話。

「呀，「前」老細？我有咩可以幫到你？」

「Tony，你做咩咁樣同我講嘢喎！」「前」老細用住同今朝唔同嘅語氣同我講嘢

依個語氣令人覺得有少少 唔係 係好撚HEHE





「我地之間都無需要咁講嘢啦…話哂你…」

「哈？阿老闆…我唔係好明你講咩喎？」

「你重扮嘢！你唔係叫人比左封信我睇咩！」佢係佢褲袋拎起張一張泛黃嘅紙比我睇

睇真啲…

屌！依封咪我想比女神睇嘅情信！

阿叔你咁大整蠱呀！？

「呃…老細…我估你搞錯左啦！封信唔係我寫嫁，更可況封信都無寫名！」

「你唔好再扮啦你，清潔阿叔講哂比我聽，係你叫佢比封信我，係你千叮萬囑叫佢比我嫁！」





依個moment，我除左諗緊點拆掂佢之外，我重諗緊點「拆掂」埋個阿叔

「我明嘅…始終我地之間係禁斷嘅愛…」佢好住一把好似嬌滴滴，但其實係好撚噁心嘅聲同我講

「我唔指意有柏拉圖式嘅愛情！我只係想要你嘅肉體！」佢一句講完，就衝埋我度。

以物理泥講，當一個肥豬肉飛剢你面前，

你只可以做嘅，就只有比佢成個人壓住你

「救命呀！老細你誤會啦！封信唔係比你嫁！」我開始有少少呼吸唔到！

「唔妤再扮啦！嚟啦！」佢用住個體重差壓到我之餘，開始扯低我條褲！

「屌！你想點阿！喂！我報警嫁！」

「你叫啦，你叫極都唔會有人幫到你啦！」

唔估到佢會好「依」味嘢！

唔通我可憐又軟弱嘅小菊花 要比佢 摧殘！？

-----------------------------------

大家好，我係一知足
我最近先開始寫故，希望大家如果覺得有趣嘅
不妨係紙言 留個言。