<<現代驅魔文獻>>: 第十章：雙雄酒樓拜倉頡 熒惑海岸卜天數
第十章：雙雄酒樓拜倉頡 熒惑海岸卜天數
（大鴻篇）和叔放下長鎗，與和仲一起單膝跪在地上，和仲說：
「失禮了先生，我們兄弟二人擔心有人冒充先生威名，一直聽說先生文武雙存，所以才叫老弟試先生兩鎗，真的失禮了！」
和叔也說：
「先生，請原諒小弟不敬！」
我大笑地說：
「先生，我地應該叫沮頌散播消息出去，話你只文不武，如果唔係下次又有人試你武功，將你打倒地下，點算呢？哈哈！」
先生微笑著說：
「兩位兄弟起身，我等好好飲番杯先！」
我們四人大樂碰杯痛飲，先生說：
「兩位兄弟，以後有你地幫手訓練我等驅魔師捉水鬼，就更加如虎添翼！」
我繼續說：
「而家全國上下都民不聊生，大陸既伏羲圖騰又勾結貪官，做埋啲唔見得光既勾檔，有幾多資源真係去驅魔！引致而家邪魔橫行，萬一蚩尤真係復活就不得了。」
和仲問道：
「那我們可以怎樣做？」
先生回答說：
「其實入伙我等圖騰，就等如同伏羲圖騰對抗，你地將會被列做驅魔界既叛黨。」
和叔激動地說：
「要是先生信不過我們兄弟二人，便用這鎗殺了我們，我們絕不會有半
句！」
先生再說：
「好，今日得和氏兄弟，侯某三生有幸！」
和仲舉起酒杯說：
「先生，以後我們兄弟二人就隨你斬妖除魔，替天行道，以後任憑差遣！」
我們圖騰又得和氏雙雄，現在只等祝融來港與沮頌結婚。我們便水陸兩軍可成初型，足以為軍師的大計就位。真猜不到我一個小小的教授，竟然有幸參與一場這麼偉大的事情，真是萬分期待。
即晚，我們四人飲飽食醉後，和氏兄弟已經醉倒在酒樓。拜別後，先生提議和我在沿海散步，希望一散酒氣才上車，避免暈車嘔吐。
我們欣賞著天際朗月，先生一邊行一邊說：
「大鴻，今晚真係飲多左喇，我都好耐未試過咁開心。。。」
我回答說：
「先生，今次我地一行得和仲和叔兩個咁顯赫既英雄，相信蚩尤大戰一定成功。」
先生笑說：
「今次全靠大鴻你同沮頌先可以聚義到和氏雙雄，黎緊可以開始準備。」
突然在路上聽到有人設桌叫賣算命，已經是晚上九點多，而且還是一個看上去只有十六、十七歲四尺高的四眼女孩。
「知天知地，一千一次。知天知地，一千一次。。。」
先生感到好奇，與我同去坐下。先生問：
「小姐，你算既係咩野命？要咁貴呢？」
占卜師很冷淡地說：
「我算既係皇極天數，能知天理定律。」
我向先生說：
「哈，呢個小妹妹講到有幾分似層層咁，先生不妨一試。」
先生笑說：
「好，想問前程，小姐如何？」
占卜師望了一下天，對著我們說：
「先生貴為非凡人，定必有非凡成就。我剛見七星連珠隱隱約現，相信大業初成之時必光芒萬象。」
先生大驚，問：
「小姐係咩人？你仲算到咩野？」
占卜師面不改容繼續說：
「最邪之道亦受天下五行生生相剋。既生邪，亦生正，一百零八正好剋制魔道之極。」
先生繼續問道：
「小姐此話何解？一百零八？」
占卜師終於展露笑容，輕輕說：
「侯先生，時機到既時候，你自然明白。今日我都係時候走喇，你既算命費我下次再收。」
先生和我站起，說：
「敢問小姐點稱呼？」
這時占卜師已經把小圓桌摺起背著我們走了幾步，回答了一句：
「熒惑千雪。」
之後她走的路竟然起了一陣大霧，她便消失了。先生後退了兩步，差點跌倒在地上，我立即扶著。先生緊張的對我說：
「你知道岩岩果位係邊個嗎？」
我疑惑地說：
「熒惑千雪？我教三國歷史時，好似有個咁既人？佢係三國既人！？」
先生繼續說：
「熒惑千雪係三國初時係第二次出現人間，果時司馬遷尚未出世，但佢已經斷言三國盡歸司馬一家！」
我大為驚訝地說：
「唔係掛！佢。。。咁犀利？」
先生繼續說：
「第一次出現其實係秦始皇羸政出世既時候，佢預言秦必一統天下。」
我問道：
「咁佢之後仲有無出現過？」
先生回答說：
「有，之後佢仲出現過兩次，第三次佢係1930年美國出現，同當時既軍方講希特拉將會掘起，世界將會死傷慘重。」
我追問道：
「咁最後一次呢？」
先生再說：
「係1996年，佢最後預言香港將會發生建華之亂，果然四次出現都一一實現。所以自古民間唔少人都傳說如果熒惑千雪出現，即係世界又要大亂，被視為災星。今次佢竟然出現我地眼前，又同我等透露不少天機，難道係有所玄機？」
我很緊張說：
「唔通今次熒惑千雪想話俾我地知蚩尤復活大戰在即？」
先生說：
「應該都係，睇黎我等真係上應天意，要為同蚩尤大戰作好準備。」
四月的星期一，不熱不冷，我自己覺得很舒服。坐在中文大學聯合書院湯宿外的飯堂，與風后喝著奶茶聊天。風后壓低聲線說：
「大鴻，以而家我等既實力可以係異域開始建立勢力。」
「其實異域裡面係點？我始終都未去過。」
「係遠古時候，本來三界六道之物都活係同一個世界，但經過炎黃與蚩尤的涿鹿之戰後，天下分為正邪兩股力量，順應而生異域。後來人既力量越大，最後不少『民族小國』被滅。只係剩低部份神農族、燧人族、大腳族、長臂族、九黎族、三苗族、巨人族、人狼族、菌人族、羽民族、冰人族、龍伯族、一目國同犬戎國。而呢啲民族最後都避免淪為亡國亡族而遷入異域，最後伏羲用最後既法力封鎖異域成為第二個世界。但始終幾精密既電腦程式都有漏網，所以亦都有唔少惡魔妖怪從一些『門縫』通往人間。而我地驅魔師就只可以靠伏羲留下係人間既三道『門』俾驅魔師去到異域。」
「咁係異域我會唔會死架？」
「異域係屬於另一個世界，所以如果我等去到都會係一個確確實實既肉身係異域。但有一點就係如果係異域受傷或者死亡，即使番到現實世界既肉體都會同樣受傷死亡，所以係異域一樣要事事小心。」
「原來咁危險，岩岩你講有三道門，咁分別係邊？」
「最近我地既，其實就係中文大學百萬大道圖書館面前，人稱『門』既裝飾，另外就係陝西寶雞市既周原遺址同深圳世界之窗既凱旋門共三道通往異域既門。」
「原來大學裡面個門既建築，真係『門』黎既。咁我地入去會係邊到建立勢力？」
「伏羲圖騰一直係異域都有紮根係燧人族既領地，所以我等一定要遠離不能太近伏羲國，如果唔係好快會被伏羲圖騰剿滅。先生一直係異域同神農族都好好關係，所以打算係神農國既農架山聚義。」
「呢方面我都無經驗，等先生同軍師既決定就得喇。」
「嗯，黎緊可以開始到農架山準備。」
「係呢軍師，之前五谷夫‧周后稷、田畯太‧雍父同地藏獸‧昆吾點算呢？」
「我自有方法，只係今日時機未到。」
「咁即係呢排我可以休息下喇。」
「大鴻果真幽默，我雖新到中大教書，但早已聽聞呢到靈異事件眾多。就眼前既湯宿已經值得驅魔師去處理，既然你有時間就應該好好調查，無謂再發生荷花池事件重演。」
「其實都係既，我身為呢到既教授，又係轉世驅魔師，應該好好防止呢啲事既。」