第十六章:五谷夫欲擒故縱 地藏獸一箭雙鵰


(昆吾篇)黎芷恩停下腳步,聲音也變了男聲,跟我說:

「呢種咁既賤人,勾三搭四,唔死都無用。」


我緊張地說:





「始終人邊個無後生過,後生就容易犯錯架啦。人大左自然會變架啦。。。」


他又繼續說:

「你唔好以為我唔知,你仲有個驅魔人係附近,令我一直落唔到手,留左呢個賤人多幾日命。今晚佢終於唔係大學裡面,所以你唔好咁多事,如果唔係連你條命都無埋。」


他說完後,又繼續向著志文樓的方向跑了。我其實怕,但我終於明白驅魔師的感覺,一條人命在你面前,救或不救,就只有身為驅魔師的自己決定。所以我還是追上去,到了志文樓樓下已經感受到陰風陣陣。






相信他會帶黎芷恩回到「111」房間,我也跑上一樓去。


一樓的光管全部也關了,暗暗的,就像鬼片的舊屋小巷一樣。我一直摸著黑拿出電話的電筒照明著「111」的房間。背後傳來「咔嚓」一聲,腦子裡下意識便是開門聲,難道是「111」嗎?我回頭過去,門號確是「111」,但裡面什麼特別也沒有,就只有兩張床兩張書枱。突然門關了,牆壁四面不斷流出血水,我站在房的中間手忙腳亂,只懂緊握手上唯一的武器昆魔棒。


眨眼間,四面傳來不少哀鳴的哭叫聲,我很害怕。牆角有一個男生吊著,眼睛死死的看著我。






后稷告訴我,驅魔時一定要保持理智和清醒,不然便容易被幻覺控制了自己。我閉上雙眼盡量用理智去思考,何達輝是爆炸死的,不是吊頸自殺的。為什麼會有個男生吊著頸,難道是被何達輝害死的鬼魂?我要離開這房間,快點找回黎芷恩。


當我睜開眼睛時,那個男的已經把他的臉貼到我面前,我嘩一聲嚇了

一跳。立即衝到門口,拼命想把門打開卻開不了!


門竟然自動打開了,我看見后稷站在門前,我驚慌地問:

「后稷,你唔係係長沙灣咩?咁快番到黎既?」


「唔好講咁多住喇,快啲去救左黎芷恩先再講啦!」






我們立即跑了出去,后稷建議我們逐層找。

「昆吾,『111』只係個名,而家已經無人知道真正既『111』係邊架喇。我同你分頭逐層搵,而家我就上三樓。只要搵到『111』我地就立即電聯!緊記唔好俾幻覺迷惑到啊!」


「知道喇,咁我上二樓啊!」


我跑上二樓時,同樣也是黑漆漆的。我看見有一個人影,再行前兩步能夠看得更清,是一個女生的人影。我叫著:

「黎芷恩係咪你啊?我係昆吾啊!你唔好郁啊,我行緊過黎喇。」


正當我想打電話給后稷時,天花的牆灰突然大量跌下來,我也為了向前躲避,電話也弄在地上。在漆黑的環境下我完全找不到。算吧,目前應該先救回黎芷恩。我追過去那個人影的位置,她便已經進了一間房間,門口也是寫著「111」,但我今次可能已經有經驗,所以並不太害怕。






進去後,看見黎芷恩雙目無神坐在房的中間,也留意到她的雙手脈搏位正在流血,面向著我說:

「我係賤人,我唔應該勾三搭四,我應該從一而終。。。」


她不斷重複著,即使我怎樣叫她的名字也沒有反應。於是我想過去抱起她離開之際,整間房也起火了,四面牆壁也被火燒著。我頓時間感到很熱和被焗得快透不過氣了。


我想起了身上也有明葮草,我立即吃一點。眼睛頓時發光了,我

很快抱起黎芷恩正想逃出去時,竟然整條走廊也被火燒起來。我大喊著:

「后稷!后稷!我係二樓搵到黎芷恩喇!后稷!后稷!」






何達輝的聲音不知從那裡傳來:

「唔洗叫喇,今晚我就要你地全部人都死係呢到!」


后稷終於出現了,他拖著常雪嫣一起走出來。此時我的腦袋竟然還有心情去介意及思考這些兒女私情,但女神被自己出生入死的兄弟拖著,感覺的確難受。


后稷此時取出雙鞭,亦終於放下女神的手,跟我大叫著:

「昆吾唔洗驚,幻覺黎架咋。你睇我用手掂啲火都唔怕燒親,你快啲帶黎芷恩走,之後call白車啦!呢到等我同常雪嫣對付佢!」






這個時候,常雪嫣用雙手碰著牆,牆的火和房間的火也消失了。而我也沒有了那種熱和焗的感覺,為什麼女神能夠做到?此時我看見走廊的另一邊有一個男的站著,我相信他就是何達輝。后稷很緊張跟我說:

「仲唔快啲帶佢走,你想佢流血流死為止咩!走啊!」


后稷和女神便跑了過去,而我便抱著黎芷恩跑到志文樓樓下,打算報警之時,看見萬事通正準備回宿舍,我便跟他說:

「萬事通你係到就好喇,你快啲幫我call白車送左佢去醫院先。后稷仲係上面對付緊隻怨靈,我要上去幫佢!」


萬事通答應後,我便立即趕回二樓,已經不見了他們。我焦急著向上跑,一直到五樓看見后稷不斷用雙鞭打向牆中。


我走近後才發現原來何達輝躲進牆裡,見到他的臉和身體從牆裡凸出來想攻擊他們。於是我也前去助戰,再次拿出我的昆魔棒,想向牆裡的他刺中。但他卻上下左右也可隨時出現,我真的不夠他那麼快,后稷也顯得有點失措了。


突然地下出現的何達輝上到常雪嫣的身上,女神變了男聲說:

「而家我上左佢身,我就要呢個女仔條命黎補番你地救走果個!」


女神便跑到天台去,我們也追著上去。何達輝說:

「你地想對付我,有無咁既本事啊!連馬尾蘇、肥司徒都搞我唔掂,就憑你地?」


后稷自信地回答說:

「果班咁既二打六同我地比?我地就係轉世驅魔師,五谷夫‧周后稷同地藏獸‧昆吾,你今晚走唔甩架喇!常儀,記住要意志堅定,夜晚你先係主場啊!」


話畢,常雪嫣好像在反抗不讓何達輝上身般。何達輝也好像控制不到她,並打算從天台跳下去!正當我想過去拉回她時,后稷已經用鞭將常雪嫣綁回來不被跌下去。后稷衝過去將她壓著,跟我喊著:

「昆吾,仲唔快啲用你支昆魔棒吉落去,咁隻怨靈就會走番出黎架喇!」


「唔得架,咁樣會傷到雪嫣架!有無第二個辦法啊!」


「無時間喇,雪嫣都係轉世驅魔師黎架,佢唔會有事架!快啲啊!」

我真的一片空白了,怎會這麼突然?雪嫣也是轉世驅魔師?但我只知要快點刺下去,不然就救不了女神了!我一下將昆魔棒刺到她的肚裡,慘叫聲混雜了何達輝的聲音。


之後我見到何達輝確確實實站在我面前了,他用一對怨恨的眼神望著我們三個,后稷已經又一鞭打中了何達輝身上,他再慘叫了一聲。相信是

因為受了我一刺,再加上后稷的一鞭他經已筋疲力盡掩著肚子跪在地上。


天也下雨了,后稷再一鞭把跪在地上的何達輝綁住,對他說:

「你一直為害人間,有幾多人因你而死,你仲唔知錯!」


何達輝哭著說:

「我錯?莎莎走唔通我錯?佢地個個勾三搭四,無一個專一架,唔通唔抵死咩!」


我不知哪來的勇氣,跟他說:

「達輝,愛一個人唔係咁架!即使佢唔揀你,或者佢選擇離開你,我地可以做既只係係佢身邊默默祝福佢,陪住佢,就好似一隻兵咁永遠守護。。。」


其實二十年前還未有「收兵」這個詞,所以我希望說白一點讓他明白。他回答說:

「唔係咁架。。。我唔明啊!點解我會錯啊!我只係愛一個人都有錯!點

解。。。點解。。。點解會搞到而家咁。。。你地殺左我啦,我唔想再留係呢個世界。。。」


「昆吾,用你既昆魔棒插落佢個頭到,佢就會魂飛魄散架喇。」

原來有時一個人怨恨去到極點,真的連鬼也不想做,甚而給他再一次選擇機會,他也寧願煙消雲散,亦不願投胎做人,那究竟我們為什麼要活下去?到死的一刻,可能跟達輝一樣不想再做人了,太辛苦了。。。


我用昆魔刺向何達輝刺下去後,他在慢慢消失之際,說:

「中大唔係咁簡單,我死既時候有一個女人教我成為怨靈殺人。如果你地搵唔到佢,只會有更多悲劇。。。」


可是還未說完他便消失了,我知道終於都完結了。后稷、女神和我也坐在天台的地上,我急不及待想將心裡的事都搞個明白。

「后稷,點解你由長沙灣番黎咁快既?」


「其實我就無出長沙灣。我地監視左幾日佢都無做野,我就估到佢知我係附近所以佢遲遲都唔出手。所以我特登今晚離開左大學,但其實就係火車站附近飲緊奶茶。直至我知道引到佢出黎,我再返黎救你都唔係好遠。」


「咁雪嫣呢?點解佢頭先可以將對手放係牆到啲火就會熄既?仲有。。。」


我話還沒說完,后稷已經搶著回答說:

「其實常雪嫣都係轉世驅魔師,人稱月娘子既常儀。當佢入夜後得到既力量非比尋常,可以話完全係主場。今晚當我同你分開搵黎芷恩既時候,我上到三樓因為無俾果啲火燒幻覺影響,所以見到常儀一個係房,同時因為見到佢手臂上有兩條疤,正當我要問佢既時候。。。」


女神也回過神來插嘴說:

「其實我早係一個月前,係旺角行緊街時有個女占卜師話要同我占卜,我本來都拒絕,但聽佢講話唔洗錢咪聽下囉。點知佢話我係轉世驅魔師月娘子‧常儀,當遇上適當既時機自然我既伙伴就會同我相認。但我就一直都唔明佢講咩,直至今晚后稷見到我時,叫我一齊幫手話我知我可以幫你地手,於是后稷就拉左我落黎喇。直到而家我先知原來自己係夜晚既力量真係咁大。。。」


怎想到原來女神也是轉世驅魔師,但也是一件好事。依后稷的性格一定會拉攏她也入伙我們,既然是同一個圖騰,日後也不少時間相處吧,哈哈。今天總算為民除害,近了女神,我一世人最好的日子了!


黎芷恩總算割得不太深,傷不了大動脈,第二天她已經出院,晚上便請我們吃飯答謝。我也很高興自己一個宅男也能拯救了一條性命,真要跟自己說聲「不愧為轉世驅魔師!」后稷在晚飯後,約了我和常儀深夜時間到湯宿開會。


深夜十二點,我們三個也準時赴約,后稷首先開腔說:

「今次真係多謝兩位一齊消滅志文樓呢個怨靈,呢個世界又少一個怨靈。」


我接著說:

「其實佢都係受害者,只係為左愛,你可以去到幾盡姐。。。」


常儀也回答說:

「都係既,何達輝就係諗埋左一邊。。。」


后稷繼續認真地說:

「最重要一樣野,佢臨走前同我地講佢話有個女人教佢成為怨靈殺人。我記得之前唯銘遇上果隻荷花妖,又係話有個女人教佢成妖。睇黎呢個女人一啲都唔簡單。究竟佢目的係咩呢?佢點解要咁做?同埋最重要佢係邊個。。。」


我們也鴉雀無聲,看來事情真的不簡單,好像這個女人背後有一個很大的陰謀。

之前我還以為事情已經完結,原來只是剛剛開始。。。
已有 0 人追稿