在夢境與少女相遇後有壞人殺死了我: 第02章 (3)

 「咸濕！」妹一手拍我頭。
 
醒過神來，看見，詩巧忽然面紅紅。她慢慢地下來，走著走著，「我去廁所。」
 
「咔嚓——」廁所門被輕輕關上。幾秒後——
 
「人地有仔架喇，你唔好亂黎，小心比人打。」妹妹壓低聲量，嚴重地告誡。
 
「吓？」我說，「我對佢冇Feel喎。」
 


「咁就得啦。」妹回房間，拉行李箱出來，「咪住，咁你話遇到既係邊個黎？」
 
「唔通係……我？」妹面色發青，「阿哥你……」
 
「唔怪之得今日咁關心我！」妹再說，雙手掩胸。
 
「唔係你。」我說。
 
「咁得啦，咁……」妹拉行李箱去門口，默默地說，「我要走喇。」
 


這時候，詩巧從廁所出來，卻對我不敢直視。
 
「程霜，走得喇？」詩巧問。
 
「嗯。」妹妹點頭。
 
「間屋一星期後會有人收樓，你要快啲搵地方住。仲有以後得番自己一個，要好好照顧自己。」妹妹關懷地提醒。
 
「喵——」貓貓睡醒，到門口送別主人。
 


「同埋隻貓。」妹妹蹲下來，搓搓貓頭。
 
「放心啦，阿哥唔會有事。」我說，「你搬左過去，有咩唔開心，覺得唔對路，要同我講。阿哥幾時都會撐你。」
 
「嗯，咁……拜拜喇哥。」
 
「拜拜。」我揮揮了手。
 
 
就這樣，我最後一個家人都離開了。
 
家裡只剩下一隻貓和我。