在夢境與少女相遇後有壞人殺死了我: 第07章 (36)

「叩叩、叩叩——」忽然，有人敲門，打擾了我們。
 
日來晴開門後，發現是我的老爸，羅密歐伯爵。
 
「老爺。」他連忙說，「今日少爺有食飯同食藥。」
 
「我聽醫生講左啦。」老爸高興地走進來，看見鞦韆上的我，便笑口常開地問，「點啊，有冇好啲？」
 
「有。」我站到地毯上。
 


「個心呢？仲有冇怪老竇啊？」他笑容滿臉地問。
 
我心想，這人在高興什麼？
 
「有。」我說，又馬上補充，「少少……」
 
「咁得啦，你過多陣就識諗、就知老竇係對你好架喇。」他豪邁地說，又問，「冇咩既話，我走喇，遲啲再黎探你。」
 
看著他轉身準備離開，我想起一句名言：
 


——機會是要自己爭取的。
 
「Daddy，I love You . 」我衝口而出，想留住他的腳步。
 
日來晴呆住了，相信老爸也有點愣住。
 
「做咩啊你，今日？」老爸轉身。
 
「我有一事相求。」我誠懇地說。
 


「講。」老爸說。
 
「今晚我想去宴會廳參加蒙面舞會。」我直接說，「可唔可以比我出一出去？」
 
「得，當然得！」他豁達地說，十方大方。
 
「真係得？」我難以置信。
 
不，我根本不信。
 
「真係得，年輕人係應該體驗下哩啲社交活動，擴闊圈子之餘，仲可以廣交益友。」
 
「哩啲咁有益身心既活動，做父親既，當然希望仔仔參加。」
 
這個人……在演戲？我再次看不透。


 
「仲有，陣間我會叫警衛寬容啲，你想出去，同佢地講聲就得。」
 
「不過，安全起見，佢地會跟埋你去。」
 
「哩點你就唔好介意喇。」
 
「冇咩事，我走先，約左紅毛去健身室打拳，之後仲有茶會，真係好忙好充實。」他歡欣地說。
 
「拜拜仔仔。」直至離開房間。
 
「拜……」我目送。
 
「啪——」日來晴關上房門後，我們才鬆一口氣，但對於剛才老爸的表現，我們真是猜不透、說不準。
 


「無論點，少爺你今晚終於可以出去。」日來晴恭喜。
 
「佢笑成咁，我有不祥既預感。咳……」我咳兩聲，略帶愁容，「希望唔會有伏。」
 
 
「好喇，唔好諗咁多喇，你時間無多，快啲開始上堂。」日來晴移開梳化，清空了房間的中心。
 
「如果唔係，到時藍藍小姐未失禮，你已經失禮死。」
 
「唔會掛……」我感到不安。
 
「再慘啲既情況係，你唔識跳，佢就比其他人請左去跳，從此落入下一位富家子弟手中。」
 
「通宵，跟住直落……」
 


「日來晴，開始上堂！」我憤怒命令。
 
「首先，試下邀請我，捉住我隻右手，拉近自己。」他開始教導。
 
我照辦，紳士地提起左手邀請，然後把他請近到自己身前。