在夢境與少女相遇後有壞人殺死了我: 第07章 (67)

「藍藍，莉莉對我地有恩，我唔可以比佢咁做！」我盯著門口說。
 
「唔好去，佢肯定係拎住兩枝槍等你出黎。」藍藍冷靜地勸止。
 
「你地唔信既話，我一件一件衫咁幫佢除出黎，掟過去比你地睇。」紅毛繼續叫囂。
 
忍不住了，我握緊槍柄，想要衝出去。
 
怎料——
 


「既然係咁，由我去啦。」藍藍卡我身位，雙手奪槍，向著宴會廳跑去。
 
「唔好！」我一手撈住她的腰，再雙手抱緊，不准她走，「有伏，肯定有伏。」
 
此刻，我才察覺到危險性。
 
「冷靜啲未？」藍藍嚴正地問。
 
「冷靜。」我喘口氣說，重新站好，「對唔住，我太衝動。」
 


「拎住，我地再等時機。」她把槍交還給我。
 
「不如咁啦，由我去睇下啦。」老爸的聲音響起，吸引了我們的注意。
 
他遲緩地拿起一個，昨天我掉下來的，星星王子的金屬面具。
 
「戴左面罩，就唔洗驚爆頭。」他說，包在頭上，拉拼扣好。
 
「老竇……你……」我不知該說什麼。
 


這時候，外面出現一些動靜。
 
「吱——」推門聲，一個人走了進來。
 
「喂紅毛，你係度做咩？」金陰的聲音。
 
「噓！」紅毛說，鬼鬼祟祟地問，「其他海盜呢？」
 
「佢地去左攻佔駕駛室，打算停左部船，等坐其他船既海盜可以追返上黎。」
 
「因為依加銀達尼號開得太快，其他船根本追唔上，佢地人少，控制唔到成部船既人。」金陰解釋。
 
「吱——」又再有人推門進來。
 
這次，有很多腳步聲，是幾個人。


 
「喂，你地係度做咩？偷懶？傾計？啲客人呢？人質呢？信唔信我炸撚死你丫嗱。」男人指嚇。
 
老爸偷看一眼，對我們說，「四個蒙面海盜，全部有槍。」
 
「唔係啊大佬，佢地匿埋晒係入面，又有槍，而我得一條友。」紅毛低聲下氣地說。
 
「我地依加就黎支援你。」蒙面人說，用槍指使，「去，入去睇下！」
 
「你都要！一人一邊。」他再呼喝金陰。
 
接著，紅毛和金陰，分別往左側門和右側門走去。
 
「紅毛黎緊……」老爸報告，趕緊收起頭來，回到有遮掩的位置。
 


我握緊槍，有點緊張。
 
「如果佢身上綁住炸彈，咁我應該射邊到？」我問，嚥下口水。
 
「顏射。」老爸做口形，手指著臉。
 
「收到。」我左手點頭，右手持槍瞄準門口。
 
突然——
 
「啵——」有人踢門，多聲槍聲接連響起，「嘭嘭嘭嘭嘭嘭嘭……」
 
數秒後，外面幾乎完全靜了下來。
 
到底又發生了什麼事？


 
「我去睇下。」我悄悄說。
 
「一齊。」藍藍決意。
 
於是，加上老爸，我們三人，一起去窺看發生什麼事。
 
正門附近，只見四名蒙面人身中多槍，倒臥在血泊中。
 
取而代之，站在正門的，是多名持黑色左輪手槍的警衛。
 
他們正在舉槍，瞄準紅毛和金陰。
 
「你地……唔係死晒喇咩？」金陰驚恐地舉起雙手，「點解冇事既？」
 


「明明，你地中晒槍。」紅毛難以置信，遲滯地舉起雙手。
 
「冇野既。」一名帥氣的男人，從中出來，警衛左右讓開。
 
他的嘴巴，咬著一根雪茄，頭上戴著船長帽子。
 
紅毛和金陰當場看傻了眼。
 
「我地有著避彈衣啫。」春郎解釋，呼出了一口白煙。