在夢境與少女相遇後有壞人殺死了我: 第08章 (03)

到達一個人來人往的街口，前面一間莎莎門前，站著一位年輕女性。
 
這個人穿著黑色上衣、藍色牛仔褲，手抱一個紙皮箱，上面滿是文具和問卷。
 
她應該就是組長阿May，如今我與她只相隔一條馬路。
 
綠燈亮起，噠噠噠噠噠……
 
我橫過班馬線，站到她的面前。
 


「請問，你係咪阿May？」我率先問。
 
「係啊，你係程強？」她問，放下手機，望過來的笑容十分燦爛。
 
在這個距離看，她化了妝，一種現在女性上班都要化的妝。
 
一水深棕色長髮，已經扎成高馬尾，前有斜陰長及右臉頰。
 
感覺是24歲左右。
 


「我係程強。」我說，又詢問，「其他人呢？」
 
「雪兒去左買水，仲有阿天，佢應該都就快到。」她說。
 
看來，五月 + 天 + 雪兒，再加上我，就是問卷調查H組。
 
「應該就係佢。」阿May說，疑惑地指向我的後方。
 
我轉身，多了一個男人站在面前。
 


他面形方正，體格強健，比我略高，也穿著黑色上衣、深藍牛仔褲。
 
「你好，我叫阿天。你地係咪阿May同程強？」他問，聲線偏沉。
 
「係啊。」阿May答，笑容跟剛才一樣燦爛。
 
對我來說，最後的希望在於那位叫雪兒的人，她會是藍藍嗎？
 
 
答案，我很快就知道，她並不是藍藍。
 
她是一位穿白色上衣、藍色牛仔褲，年紀只有十八的可愛類少女。
 
其前陰整齊、披著由直而慢慢微曲的黑髮。
 


如今，捧著四枝Cool蒸餾水的她，正辛辛苦苦地來到我們面前。
 
「終於有人同我一樣著白色衫。」我心想，自己也是白衫加藍色牛仔褲。
 
「你地終於黎喇。」她說，把水分給我們，「一人一枝。」
 
「咁我自我介紹一下啦，我叫阿May，係公司做左半年架喇，依加負責帶新人，係你地既組長。」
 
「我叫阿天，你地……叫我阿天就得架喇……」阿天尷尬地說，又補充，「之後幫手搬野、買野、攞野嗰啲，我都OK可以幫手架。」
 
「我叫雪兒，全名袁雪兒，哩度年紀最細係我。Yeah！」雪兒說，已經說完。
 
「我係程強。自問行行企企無人能及，希望你地都跟到我做野既節奏。」我沒有這樣說。
 
「我係程強，男人一個，希望大家合作愉快。」我盡量表現得體，把微笑演得到位。


 
「講得好。」阿may說，「今日呢，主要係比大家適應下，一個都問唔到都唔緊要既，嘗試適應左先。」
 
「適應啲咩？」雪兒問。
 
「比人拒絕，變成神憎鬼厭既人。」阿May笑容燦爛地說。
 
於是，大家戴上職員證，拿起問卷板和筆，便站在街頭各處，準備開工。
 
對我來說，有什麼同事並不重要，重要的是我可以隨意在街上找人。
 
只是，挫折來得比想像中快……
 
我不單止一個都問不到，甚至是一個眼神，已經把途人嚇跑。
 


 
「我地變左黑社會？」我雙手抱著問卷板，用筆訪問阿天。
 
「如果我係靚女，情況或者會好少少。」阿天說。
 
望向阿May和雪兒，我不得不承認，美貌是可以留住一些男人。
 
「唔洗灰心，今日試工啫。」我對他說，「話時話，你叫咩名？」
 
「阿天。」他說。
 
「唔好咁見外啦，一場同事，比多個字黎啦。」我繼續逗他，打開話匣子。
 
「悟天。」他害羞地說。
 


「哈哈，哈哈哈哈……」我忍無可忍，立即捧腹爆笑。
 
「你老竇以為自己係孫悟空，想個仔都係超級撒亞人？」
 
笑到流出眼淚。
 
「洗唔洗笑成咁啊？」阿天不滿，但大概已成習慣。
 
「冇……我諗起，我曾經都同人講過，自己係悟空啫。」我笑著說，漸漸灣下了腰，強忍下了笑容，強忍住了想爆發的情緒。
 
緊閉眼睛，手馬上擦走淚珠，不讓別人看見。
 
「冇野喇，繼續做野。」我重新站直，提起精神，馬上抓住一人，「先生，阻你兩分鐘……」
 
「阻你老母。」對方客氣回絕，沒有動手。
 
然後，我又把目標移向下一個人。