在夢境與少女相遇後有壞人殺死了我: 第08章 (06)

這時候，雯雯端著兩杯凍飲過來。
 
「黎喇，有士多啤梨哩杯係〈甜味無窮〉，啡色哩杯係〈苦盡甘來〉。」她把粉紅色飲管那杯，放在阿力面前，把青綠色飲管的〈苦盡甘來〉放在我面前。
 
「你地自己分啦，但我覺得程強應該鐘意〈苦盡甘來〉多啲。」
 
「苦盡甘來，其實我都想。」我默默呢喃，又對他們說，「咁我揀哩杯啦。」
 
「好Yeah，即係阿力要〈甜味無窮〉啦，等我偷飲一啖先！」雯雯可愛地說，拿起士多啤梨泡沫咖啡，啜了一大口。
 


「喂喂喂，男人傾緊野，女人閃開啦。」阿力不耐煩地說，掩埋著筆記的新一頁。
 
「你唔好飲！」雯雯發脾氣，一手拿走〈甜味無窮〉。
 
看著她走開的身影，我心暗不妙。
 
「你去哄返人啦。」我替他擔心。
 
「依加啲女人，郁啲就發脾氣，又公主病，唔可以縱架。」阿力搖搖頭，拿了我那杯咖啡，「有啲口渴。」
 


「啜……」咖啡水平面一直下降。
 
看見這種狀況，我唯有舉起右手，叫另一位女侍應過來。
 
「要啲咩呢先生？」她過來問。
 
「頭先我地仲落左杯〈甜味無窮〉，但到依加都未到，幫我催一催唔該。」我客氣地說。
 
「好丫請等等。」女侍應，接令後離開。
 


 
「程強，你哩招夠絕！」阿力敬佩地說。
 
「係咩？」我有點不好意思。
 
「如果雯雯比老闆發現，跟手比人鬧兩句既話，我就跪玻璃都唔掂，基本上死撚梗。你話絕唔絕？」他慘笑問，手搖搖指來。
 
「對唔住大佬！」我額頭碰桌，「啵——」請求原諒，「不過女人走左，我地都係講返個夢啦。」
 
「所以話，拍拖有乜野好，條女一煩，哄下佢就冇左一日，再哄下又冇左一筆，依加想靜靜打陣機都唔得。但你仲要鐘個頭埋去！」他一邊責罵，一邊抬出筆記。
 
日有所思，夜有所夢。
 
筆記簿標題如此寫著。
 


「首先，我唔係咩專家，但係人都知發夢係同『潛意識』有關。」阿力解說。
 
標題下面，有一些關於夢的資料。
 
根據佛洛依德的理論，人除了「意識」外，還有被抑壓着而不自知的「潛意識」。
 
當收集情緒的潛意識「飽和」之後，溢出來的部分，就會以夢境的方式呈現，揭示難以處理的情緒問題。
 
「這是其中一派的說法。」某句寫道。
 
另外，我看著筆記，要影響夢境，睡眠姿勢、睡眠環境、入睡前心境等十多項因素都有影響。
 
「其實，一般情況之下，改變自己既潛意識，就可以改變自己發既夢。」阿力說。
 
「方法例如透過一啲自我暗示、自我鼓勵既方式，令自己既潛意識變得正面同積極，咁個人平時，甚至發夢都會正面啲。」


 
「雖然我唔知你哩單紅雞蛋事件，用哩啲方法有冇效，但老實講，你平時個人咁頹，發夢弱雞係好正常。」阿力說。
 
「所以呢，我要你係今晚瞓之前，催眠自己係一個無敵既人。」
 
「吓？」我吓了一下，不禁汗顏。
 
他按出綠筆芯，指著一個列表。
 
「你係1. 世界最強既男人，2. 開外掛既戰士，3. 全身都係主角威能。」
 
「跟我讀一次！」他再說。
 
「我係世界最強既男人，開外掛既戰士，全身都係主角威能。」我羞恥地說。
 


「唔可以羞恥！要從心底裡真正相信，咁你內心先會變成真強，而唔係逞強。」
 
「之後你係夢入面先會勁，先可以打低紅毛。如果唔係，你又病又廢，好似讓賽咁，點抽贏佢啊？」
 
「你講得啱。」我說，馬上默讀十遍。
 
「大聲啲，我要全間鋪頭都聽到。」他命令。
 
「唔好啦，嘈到其他客人啊……」我羞羞怯怯。
 
「係咪想同藍藍天長地久？」他一副無所謂的樣子，「我無所謂架，又唔係我要咁做。」
 
屌你老母……
 
我清清喉嚨，吸一口氣大聲叫喊出來，「我係世界最強既男人，開外掛既戰士，全身都係主角威能！」


 
 
喊完之後，我實在不敢想像其他的人到底如何嘲笑。
 
「Good，比個世界係你手中既奸笑樣黎睇下。」他興奮地說，「眼神要猜唔透，嘴角要充滿企圖。」
 
猜不透的眼神……嗯……我低頭想一想。
 
再望向阿力，兩眼深邃無比，蘊藏了無數的心事。
 
輕蔑一笑，盡是苦不堪言。
 
「嘩屌，好撚Sad。」阿力抓住頭髮，「你哩種係世界係你手上，但身邊既人死晒，得返自己一個，寂寞無比、得到世界都冇意義既感覺。」
 
「算啦，陣間再執。」阿力說，翻到筆記的下一頁。
 
「依加我地要設計之後發既夢。」