(重開) 愛，不一定要擁有才能愛: 第六章

[點解你仲係倒嘅?] ?悠看到仍在校門的我問道。
[我..仲等緊佢]
[六點三啦喎!仲等緊?打左比佢未呀?] 她焦急地問。
[打左十幾次啦,全部飛留言...] 我帶點沮喪的回答她。
[可能佢已經返左屋企,唔好咁擔心啦!一係我同你一齊去揾佢啦!]
[唔阻你咩?]
[幫朋友嘛,點會阻?] 她側一側頭,不解的問。
[咁...一係你話我知你住邊度,揾完之後我送你返去。]
[海峰花園。]
[邊座?]


[C座...等陣先!你問得咁詳細做咩?唔通你....] 她退後了兩步,帶著懷疑的眼神説著。
[唔好誤會住先。因為我都係住果度,而且我住係B座,即係你隔離果楝....] 
 
世事有時候就是這麼奇妙。誰又會想到那個集全校萬千寵愛在一身的女神陳?悠,居然是住在我旁邊那座大廈?
 
[又㑹咁啱嘅都有嘅,哈哈。]她笑著說。
 
女神果然是女神,簡簡單單的一個微笑已經牽動了我的凡心。
我不是申請入伍。只是....從欣賞的角度出發。呵呵。
 


[有時有啲野真係估都估唔倒,哈哈。] 
[咁行啦不如,盡早揾返翔子緊要啲!] 
[嗯,唔該晒你。]
 
我們選擇了從海旁那邊走路回去,我們邊走邊聊,有講有笑,話題就像沒完沒了一樣。但每次她笑的時侯,我卻看得到那個笑臉,其實埋藏著憂傷....
 
[不如我地坐一陣,先再繼續行好冇?] ?悠停下了腳步, 指著旁邊的長椅説。
[好呀。]
 
雖然我想盡早找到翔子,但還是陪一下?悠吧。


 
[有心事?] 我坐下後問她。
[我同我媽媽嗌左交。] 
[為左咩事?]
[我爸爸係我中一果陣離開左我同媽媽。我到而家仍然好掛住佢,因為我地父女之間嘅回憶,實在係太多....前年我媽媽識左個男人,佢話佢地感情好穩定,如無意外應該會結婚,雖然個男人一定取代唔倒爸爸係我心目中嘅地位,但我都支持佢地因為媽媽可以再一次得到幸福。但之前後我問佢係咪已經忘記左爸爸,佢粒聲唔出冇應到我。咁我當然嬲啦,咪同佢嗌左交囉...我嬲唔係因為佢同第二個人結婚,而係佢可以咁快就忘記一段十幾二十年嘅感情...其實係咪我太執著?] 她望著我說。
 
[坦白講,我唔覺你媽媽已經忘記左你爸爸。因為有時候係我地必須要放手,但並唔代表我地會忘記。我覺得佢唔係忘記左你爸爸, 只係佢選擇左放下同你爸爸嘅感情, 再去揾一個人佢認為啱佢嘅人。而家佢亦都揾倒啦, 相信你爸爸在天之靈, 睇到佢曾經深深咁愛過嘅人得到幸福,佢都會好開心。]
 
?悠聽到後笑了。這一次,那一種憂傷,從她的臉上消失了。換來的是一個燦爛的笑容。
 
[多謝你。如果唔係聽倒你咁講,我諗我會一直覺得我媽媽係錯嘅。] 她說。
[冼咩多謝我吖。我地朋友黎架嗎。]
 
 
“談情難道考慮恩情


無端跟他有感覺只能承認
別再以照顧我的心情 誰能違抗本性
情人隨時能變朋友別震撼

人只得一個 但伴侶還有太多
從分手托手先可知道缺乏什麼
明白我 人一個 就算好 如落過
麻木過 留住我 剩餘價值也不多
”
 
啊,是我電話的鈴聲。我連忙拿出手機,看看是誰打給我。
 
[翔子?] 我看到來電顯示後驚訝的確叫了出來。
[快啲聽啦!] ?悠聽到後連忙催促我。
 


 
[你做咩係咁打比我?] 翔子在電話的另一邊這樣說。
[你而家係邊呀? 我揾左你好耐啦你知唔知呀?] 我焦躁的問她。
[我係屋企囉…你揾我做咩?]
[揾你做咩? 我地約好左場波一完就係校門等架嘛….你去左邊呀?]
[呀!係喎…對唔住呀我同左呀仁去買野….唔記得左…]
[呀仁? 方梓仁?]
[係呀….Sorry呀…]
[即係你冇黎睇….?] 我失望的問她,因為我不想得到的答案是我不想聽到的。
 
[嗯….]
 
為甚麽? 難道我和你之間十四年的友情,也敵不過一個妳只是認識了十四天的男生?
 
[點解你要咁?]


[哎呀你好煩呀,問咁多做咩喎。你又唔係我邊個…]
 
十四年。我在妳身邊已經十四年了。換來的,卻是如此無情的一句話?
為甚麽這樣的話妳會說得出口?
妳當我是甚麽?
 
[我明啦。唔好意思,阻住你。] 我這樣説後把電話掛掉了。
 
之後,我哭了。哭得很厲害。
大概..是我這輩子暫時哭得最厲害的一次。
 
 
芷悠不停的在旁邊安慰我,但淚水就是不爭氣的不斷流出来。
 
我哭著的問了她一個問題。她答了我之後把我擁進懷裏。我也沒有抗拒,只是在她的懷裏不停地哭。


 
 
*我哭著問她 :  我是不是很懦弱?
   她説: 哭泣並不代表你軟弱，只是證明你已經堅強太久了。

<<待續>>