(重開) 愛，不一定要擁有才能愛: 第二十章

[點解你把聲咁嘅?你喊緊呀...?] 電話另一邊的女生這樣問。

我沒有回答,只是以哭泣聲代替一切言語。

[不如出黎,面對面傾?] 她問。
[咁...十分鐘後係果度等?] 我哭著說。
[嗯。] 她回答說。之後便把電話掛掉了。

或許一直以來,在我有需要的時候一直在我身邊的人,是妳呢....



我一向是早到主義者,所以已經比約定時間早五分鐘到達海旁,沒想到竟然在一張長椅上看到了她的身影....
我慢慢走向長椅,在女孩背面輕輕叫喚了她的名字。

[芷悠。] 

女孩聽到後站了起來,轉身望向我。笑著對我說:[生日快樂。]
我聽到只是笑了一下。[多謝。妳到左好耐嗱?] 我問她。
[一陣姐。過黎坐低先啦。] 說完後芷悠便一手拉我過去了。
[你想幾時講都得架,今晚我會一直陪住你。] 我坐下後芷悠這様跟我說。
[多謝你,芷悠。] 



我深呼吸了一下,說:[我....同佢表左白啦...] 
芷悠聽到後,沉默了良久終於開口說:[係....呀..?]
[不過係間接果隻囉哈哈。] 我苦笑著說。
[點解?] 她頭轉向我問道。

我望向她,苦笑了一下。

[佢有中意嘅人。] 
接著我又深呼吸了一下。說:[不過唔係我。]



芷悠聽到後目定口呆望著我。
我看到她的臉後,笑了一下說:[好奇怪呀可?明明果個人應該係我,但個結局竟然會係咁。]
[咁個男仔係....] 她問。


[方梓仁。]


這三個字,究竟要我用多少的無奈.....
才能說得出口呢....?


[Sorry呀....我其實唔應該問架...] 
[唔緊要,其實我之前已經估到架啦,不過又真係估唔到翔子會鍾意佢...哈哈。] 


[咁你而家諗住點做...?] 芷悠問我。
[我想撮合佢地兩個。] 我望著她說。這一刻,我的眼淚再一次爆發了。[啲眼淚返黎啦,哈哈。]我邊哭邊笑地說。

這刻,芷悠突然再一次把我擁進懷裏,就像上次一様。而我也一樣沒有抗拒。[點解呀?點解你明知依條路係最痛苦最難行但你都仲要揀?] 芷悠擁著我,傷心地說。
[因為....我真係好愛佢呀.....] 我已經涙流滿面,聲線也開始糢糊了。連芷悠的衣服好像也哭濕了。

[愛明明可以有好多方法....] 她再一次傷心地說。
[芷悠...我好辛苦呀....我個心好痛呀....] 我已經哭得漸漸說不出話了。
[我明架....你果種感受我真係明架。] 她說。但我卻感覺到有東西滴在我臉上。
芷悠....在哭。
我察覺到後,馬上從她懷裏鬆開。
[你做咩呀芷悠...] 我勉強止著眼淚問她,因為帶著一整臉涙水去慰問他人是最無說服力的....
[我只係...身同感受姐...] 她望著我,笑著說。但其實她早已涙留滿面。[不如你話我知發生咩事啦....]我望著她說。

[我其實.....一直對有一個好中意嘅男仔。] 她哭著跟我說。 [但係.....佢有對像架啦....] 她繼續說。




如果....芷悠也有心上人啊....而且...她也跟我一樣....


[對唔住....我唔應該問...] 我說。
[無所謂啦...其實我一直都想同你講,一直都好想你知道....] 她突然一路哭,一路望著我說。
[知道...啲咩...?] 我一時之間也不知道該怎麼回答她好.....
[就係我啱啱講嘅果件事....] 她越說,臉就越近我......

[點...解..嘅..] 

[因為......因為...我...] 

我望著芷悠。芷悠也望著我。



[我...地係好朋友。我想咩都話你知。] 她說完這句話後,便不再靠近我,回復像之前聊天的距離。

聽到後我放心了。為甚麽?

因為剛剛那個氣氛.....那個眼神.....那種語氣....那種距離....

就像芷悠要跟我告白一樣。不過這又有甚麼可能啦?她是女神,人又漂亮的心地又善良。

我?樣子算是還可以吧,應該...  又沒甚麼優點,像她這樣的高嶺之花,那有可能喜歡我甚麼的?單單是做到好朋友,已經能讓我開心一輩子了。

就像....我跟翔子一樣.... 她又那有可能....喜歡上像我這樣的人呢....?


我和芷悠就這樣無持著沉默。不知過了多久,芷悠終於先開口說:[喂...]



[嗯?] 

[我跟著落黎講嘅野,你唔準笑架喎.....] 

[下?哦....你講啦。] 

[不如....]




[你比個機會我去......取代翔子...?]

<<待續>>