[真人真事]那些年錯過的愛情: 小學04
我同啊靜交換左電話之後，我同佢就返學上堂開始SMS傾計，放學係屋企就一直傾計到夜晚，一日到黑都機不離手。我地大家係學校見面都會傾兩句計。佢打下我肚腩，我扯下佢條馬尾。呢段同啊靜既關係係我小學入面最開心既一段時間。
過左一排。有一日放假既時候，啊君突然係MSN震我。我打開個對話就即刻應佢。
啊君：「啊傑...做緊咩啊？做咩呢排唔同我傾計？」
我：「你都無搵我，呢排我有同啊靜傾啊。」
啊君：「...我介紹左佢比你識，你係咪好開心？」
我：「緊係啦，你咁幫我。」
啊君：「你就好啦，日日有你中意既人同你傾計...」
由於我都同啊靜傾緊計，所以我以一個表情回左啊君之後就無再講野。
過左一陣之後，啊君又係MSN震一震我。
啊君：「你就黎生日啦，不如搵日去唱K啦。」
我：「我怕羞啊，有邊個去架？」
啊君：「...最多我叫埋啊靜同佢個FD去啦。」
我：「考慮下先，你問左啊靜再搵我啦。」
啊君今日呢番說話，令到當時既我認為啊君真係想拉埋我同啊靜一齊。點知，最後並唔係我諗既咁樣...