[真人真事]那些年錯過的愛情: 小學07

由於琴晚同啊靜傾左好耐電話，所以今日出門口都係恰緊眼訓。返到學校早會完左，呢個六年級既特別活動就係籃球場開始。搞活動既老師吩咐左我地五班參加既同學出黎坐埋一邊，無參加就坐埋一二邊睇比賽。 

　　當我行過啊君側邊既時候，佢就用手握住個拳頭，做左一個加油既手勢，我當然都渣住個拳頭向佢示意。 
　　 
　　為左啊靜，一定要嬴！ 
　 
　　五班參加既同學出晒黎之後就開始抽籤，我地呢個陣容一出黎就比其他班笑到仆街，不過有運動高手啊江企係最前帶頭，我就咩都唔驚。五班入面最勁既就係個班下午班，由於佢地啲男個個都係中學生身型，所以我地任何一班都唔想打佢地先，而且啊靜仲話嬴左冠軍鍚我一啖，點可以第一場就抽中呢班變態？我要嬴啊！！ 

　　當五班代表抽晒之後，我地就講返個數字比老師聽，幫我地決定對賽先後。 





啊江：「今次仆街，第一場就打下午班。」 

　　聽到啊江咁講已經驚到尻都縮埋，我地呢班只有三男五女，對面五男三女，男既仲要大大隻隻。我只係諗：「睇黎今次個吻都係凍過水啦，唉！」 

　　比賽開始既時候，只有基佬宗嘻皮笑臉搞GAG。 

基佬宗「拿，一陣啊江同啊傑你做前鋒，我打中場。一定嬴到。」 
啊江：「做咩撚野姐，依家唔撚係踢波。」 

　　當兩隊埋晒位就開始，我就望住對面既啊靜，佢又望住我。對望之間哨子聲吹雞，比賽正式開始。

　　比賽開始左幾秒左右，對面一拎波就打中左龐大既基佬宗，一開始就比左個下馬威黎。基佬宗比人打中之後，由於無左呢塊肉盾。我同其他女仔就陸陸續續比人打中左，企左係對面。而對面當然一個都無比人打中啦。 

　　對面見到我地比人秒殺，場上面得返啊江，對面班仆街就係到話 

A：「慢慢傳，晒佢力啦」 
B：「好，玩下條矮仔先。」 

　　過左大約十分鍾，啊江左閃右避下。終於支撐唔住比個波打中，趺落地果陣仲抝左柴。由於係三盤兩勝，所以大家要嬴兩場先可以出線。依家輸緊０：１ 





基佬宗：「我地打唔嬴架啦，投降啦。」 
我同啊江：「唔得！」 

　　話唔得係因為啊靜，同時都係因為我同啊江有一種唔輸得既心，所以就算輸都要打埋落去。 

基佬宗：「但係江江有隻腳行唔到WO，點算好啊。」 
啊江：「我打到，快啲出去啦。」 
我：「頂埋佢，嬴返一場都好！」 

　　開始左第二場之後，啊江，基佬宗同其他女仔好快就比人打中左。場上好快就得返我一個。過左大約十分鍾之後，我終於都比個波打中左。輸左之後，心入面就有種唔開心既感覺。行過啊君身邊既時候，聽到佢鼓勵我都無應佢。 

　　依個比賽順利成章由啊靜個班嬴左。打完返課室上堂一直都心情唔好，突然褲袋部電話振左一振，原來係啊靜傳比我既信息。 

「啊傑，一陣放左學四點去學校附近條河到等啦。」 





　　收到啊靜比我既信息之後，我放左學就去左個條河到等，等左一陣啊靜就黎左。 

啊靜：「咁早到左既」佢笑笑口咁講 
我：「係啊。叫我出黎唔係想笑我掛？」 
啊靜：「輸左姐，點會笑你姐。你行近啲，有樣野同你講。」 

　　我行埋左啊靜到之後，啊靜叫我唔好擘大眼。當時既我緊係唔知佢做緊咩。不過佢叫到唯有照做啦。 

啊靜：「可以擘大眼啦！」 

　　當我擘大眼，就見到啊靜企係我側面，鍚左我左面塊面一下。