[真人真事]那些年錯過的愛情: 中二０３
第二日放學，我好早就換左衫到球場。當我以為自己係最早到，啊希已經係操場推住一車波出黎。
啊希：「啊傑，今日無遲到喎！」
我：「上次有野做姐...你都好早喎」
啊希：「係呀，上面無野做咪早左落黎囉」
跟住我就同啊希一邊射波一邊傾計。暑假特訓之後，已經練成好高既命中率。差唔多無防守者都會一定入。
啊希：「咁準既你，完全唔似中二喎」
我：「咁要睇下射邊個...唔係，同邊個射波先會準既」
啊希聽到之後只係露出一個微笑，之後就繼績同我射波。等左好耐，高FORM既哥哥姐姐終於黎齊，女教練到左之後，只係吩咐啊天安排練習。女教練自己就走左去第二個場教女仔。啊天無野教我地，只係吩咐我地不停係到全場五打五。係練習期間，我發現啊天每一次入波都會講「顏射ＸＸ（人名）」
當我防守住啊天，啊天企係三分線出面渣住個波。
啊天：「唔出黎守我？射你架啦」
我無回應啊天，啊天都好果斷咁起手，結果當然係入左。
啊天：「顏射傑仔，一球」
我：「等我一陣射返你」
過左一陣，到我果隊進攻，我接到隊友傳波之後，終於搵到機會對住啊天起手，呢個簡單既兩分亦都入左。但係呢球兩分對住啊天射入，相比以往入過咁多球更有成功感。入左之後，我一路回防對住啊天講
我：「顏射啊天，一球！」
啊天：「丫..你個仆街仔」
得逞完之後，我就激起左啊天使用100％戰鬥力。之後呢場練習賽淨落黎既時間，啊天守到我連波皮都HI唔到。受過呢個教訓之後，我學識左以後要小心Ｄ講野。
終於練到夜晚七點左右，女教練帶住班女仔走埋黎我地果場，宣佈要練習體能，要我地男女圍一個大圓圈，拖住手做腳步練習。我聽到要拖住手，立即望去啊希到，點知一班狗公即刻行左去啊希附近，示意要企啊希隔離，而啊希又無拒絕。就係咁，我女神就一左一右比兩個師兄拖住左。我就ON99咁拖住湯尼同一個師兄。
大部分人拖左手之後，有個女仔隔離有個空位，但係又無人過去拖佢。女教練見我地咁耐都未圍到個大圓圈就係到叫我地快Ｄ。等左十幾秒左右，都無人行去拖個女仔，搞到個女仔好似好尷尬咁。呢個時候，我就行左過去個女仔側邊。
我：「不如我拖住你圍埋呢個圓圈呢」
女仔：「好呀...」講完面紅
跟住我就主動拖住呢個女仔既手，聽住女教練既指示練習。佢只係開頭縮左一縮之後，之後就慢慢就拖實左我。呢一下拖手，我地就好似認識左大家咁。呢個女仔，無啊希咁吸引到我。佢只係正正常常好普通既一個女仔，一個籃球員，樣貌一般般。只不過係band3中學發現到會紮馬尾既女仔，令我對佢產生一種親切感。
女教練：「月尾比賽啦，自己擺多Ｄ時間落黎啦。今日係咁先」
呢個連名都唔知既女教練講完就走左，佢比男仔既印象完全係等收工既人。我拎晒Ｄ野準備返屋企，係學校門口比我見到岩岩拖手果個女仔企左係門口。
我：「喂...Halo...姐姐你叫咩名呀？」
女仔：「下...我個名好老土架，叫我fish得啦」
我：「叫你啊魚囉，幾好聽呀！嘿嘿」 講完我自己係到笑
啊魚：「哈好呀...我知...你叫啊傑，岩岩啊天叫你果陣我聽到」
我：「你又會記到Ｄ低FORM男仔名既」
啊魚：「你咁與眾不同，中二就跟甲組練，緊係要記住你啦」
傾傾下計，有架私車車渣左黎學校門口。
啊魚：「我走先啦...遲Ｄ再傾個」
我：「好啦，BYE FISH」揮手
啊魚：「BYE...羅子傑,,,」
啊魚講完就上左架私家車走左。呢年中二開始左之後，首先認識到高年級唔同既師兄師姐，令我對呢間學校既校園生活充滿返憧憬。美中不足就係無啊君呢個知己陪我讀中學，同埋有一班怪獸同學同我一班。
過左一排，棋藝學會規定左低年級一個星期有一日要留係間學會室到捉棋，舉行定期既學會活動。呢一日係我第一次參加呢個聚會，點知放學到左之後，得幾個中六係到玩波子棋，一堆中一就係到嘈撚住晒。由於呢個活動一定要坐到五點。我同中二果班人又唔太熟，所以我就拎左副象棋坐左去老師桌到同Ｄ比較既正常中一係到玩。
玩到差唔多四點幾左右，在場既所有中一差唔多都比我嬴晒。我心諗
「好撚悶呀...」 於是我行左去走廊出面諗住望下風景，點知一行出門口，竟然比我撞到啊魚。
我：「魚姐！？咁岩既，又會係到撞到你」
啊魚：「緊係啦，呢層係中四同中六既班房黎架嘛。我岩岩做完功課諗住返屋企就見到你啦」
我：「係咩...我都唔知中四既班房會係四樓...」
啊魚：「哈，咁你係到做緊咩？你岩岩係中六既班房行出黎既？」
我：「棋藝學會既定期活動姐，要等到五點。入面好悶，出黎透下氣」
啊魚：「你玩咩先？我只係識玩象棋鬥獸棋，可以陪你玩一陣」
我：「好呀，入黎玩陣啦」
於是我就邀請左啊魚入去同我象棋，佢都無拒絕我。同女仔捉象棋我都係第一次，但我估唔到啊魚都識玩，實力更加不差於我。但係始終都嬴唔到我。
啊魚：「唉又輸...你一定成日捉架啦」
我：「興趣黎姐...你想玩可以叫我陪你架。同女仔捉象棋我都係第一次」
啊魚：「好呀，我夠鍾走啦，你走未？」
我：「哦...好呀一齊啦」
我同啊魚落到地下，聽到籃球場有人對住我地方向大叫
「仆街仔，過黎同我射波！」
原來啊天係籃球場練自己緊射波，咁岩比佢見到我走，睇黎我唔去同佢打會出唔到呢個學校門口。
我：「我落去搵啊天，你走先啦」
啊魚：「嗯，聽日見啦」
我同啊魚道別左之後，就落左去籃球場搵啊天。
啊天：「傑仔，一陣我射波，你就搶籃板，然後傳返比我射」
我：「頂呀，咁我咪無得射！？」
啊天：「屌，我第一次見到你都係對住幅牆ON99咁練傳波啦。你傳去幅牆練不如傳比我射，又可以訓練你傳波同搶籃板」
結果，我都係屈服左啊天手上。於是，我係學校由五點幾同佢練到夜晚七點半先走。最後我只係做左一個執波仔，係到幫佢練射波。