[真人真事]那些年錯過的愛情: 中二０９
直到當晚番到屋企，我都係思考啊君最後講個句說話。我曾經想SMS搵啊君解釋清楚，但當我打好說話，傳送出去勇氣既收回來了。
當晚，我只係望住部電話，希望啊君會好似以前咁搵我。
但係，電話並冇響過，亦都冇振動過。呢一晚對我講，好漫長，好寧靜。
之後幾日既番學，我都係由一堂訓到小息，小息訓到食飯，食完飯又訓到放學。我冇諗個，啊君呢句說話對我影響力係咁大。
只有打籃球，先令我個人有精神起黎。呢一日放學，啊希約左我，啊單，啊金留校打波，啊嘉又唔知做咩跟住啊希黎。我地得五個人下，啊希就搵左一個路過球場，教我地班科學既高Sir一齊打三打三。
我地分完組後，我同啊嘉同啊單一組。高sir就同啊金，啊希一組。
本身我同啊單都唔太想打，啊單未完全好番，我就冇心情。不過高sir仲話贏左請我地飲野，我就落力?打，諗住當練習都好。
打左好耐，我個組終於贏到高sir個組。佢又肯遵守承諾請我地飲野。當佢比左包野飲我後，就問我
高sir ：「羅子傑！做咩你贏左波個樣好似死老豆咁架」
我： 「唉，慘個死老豆」
呢個時候，啊嘉呢個八婆又走埋黎。
啊嘉：「講緊咩呀？我聽得架？」佢扮天真既樣望住我
我：「高SIR，出去打多場波」我拉走左啊SIR
啊嘉：「唉，又唔同我講」佢又追出黎
打完波之後，我當晚返屋企食完飯就係電腦留意下啊君既MSN。佢同平時一樣，一樣有上線，但係就無搵過我。於是，我就上啊君個網上日誌到，睇下有Ｄ咩野可以比我睇。
點知，入到去之後，我見到同啊君鬧交當日，佢打左Ｄ同我好暗示既野，內容都係佢同一個朋友因為佢食煙而鬧交，令到佢好唔開心，但內容無提個呢個係咩野朋友。但呢日既日誌最落，竟然比我見到一句,,,
「Leo...今日多得有你陪我...多謝你...」
當我望到最落呢句，我就係屋企講左出黎「邊個Leo陪你呀...」 突然之間，我老豆就走左出黎。
老豆：「做咩，邊撚個係Leo？？」
我：「無野呀...」
老豆：「喂，你咪叫我教你捉象棋既，快D拎出黎啦，唔係我訓教架啦」
我：「係喎...」
自從係棋藝學會差小小輸比啊魚之後，我就決心向我老豆學習捉象棋，希望第日再有機會同啊魚捉果陣唔會再有機會處於下風。點知到我老豆得閒果陣，我已經唔記得左呢件事。
我拎左象棋出黎之後，同老豆只係玩左一陣，我就輸左第一局。係第二局捉到一半，老豆就望住盤棋開口。
老豆：「喂，今日做咩心不在焉？」
我：「咁都睇得出？」我專注返盤棋到
老豆：「做咩呀？拍拖？」講完佢行一步
我：「UM...」
老豆：「屌你，姐係係啦。同年紀定越級挑戰呀？」佢笑住望住我
我：「咩野越級挑戰呀？」我笑住講
老豆：「讀完書先拍拖啦！依家最重要讀好書！」無啦啦嚴肅起黎
我：「唉，得架啦得架啦」
過左一排，正值十月尾左右。學界三場分組賽已經全部打完，出線後第一場淘汰賽都打完。下一場就係八強之戰，嬴左就可以入四強。高年級師兄係呢幾場波入面愈戰愈強，燃燒高中學界生涯既最後光芒。而我依然係一個後備飲水機既角色，四場比賽出場時間加埋只有五分鍾。
呢段日子，當我打完波睇電話，都見唔到有人SMS我。以前習慣左打波前同打波後都會搵啊君傾計，估唔到差唔多接近半個月我仲未習慣到無左啊君同我傾計既事實。有時打完波我都會自己諗
「係咪有LEO陪你,,依家唔需要我啦..」
「不如同啊君道歉啦」
雖然我係咁諗，但我最後都無膽搵啊君。為左分散我對啊君既注意力，我就擺更多時間專注係籃球場上面，呢半個月入面，我苦練兩分遠距離射波同罰球，射術可以話有好大進步。我更加係四場出場時間加埋得五分鍾既比賽入面入到一球中距離，不過當時嬴緊三，四十分，已經無人留意我同為我歡呼，入左同無入既分別不大。
八強比賽前一日，我係小食部撞到啊魚
啊魚：「HEY，聽日放學係咪打八強啦？」佢問我
我：「係呀，你黎唔黎呀？」
啊魚：「聽日好多人去呀，我都會去睇，你有無得出場？」佢笑住問我
我：「哈哈，聽日你咪知囉」其實我點會有得出場
放左學之後，我自己一個行返屋企，電話無人搵我，但我仍然渣住部電話，每一分鍾就睇一次。但係，依然無人搵我...
「係咪呢個叫LEO既男仔對你好好...你依家唔需要我了...」我一邊行一邊諗
估唔到，聽日八強一戰，將我會令我畢生難忘...
當晚，我只係望住部電話，希望啊君會好似以前咁搵我。
但係，電話並冇響過，亦都冇振動過。呢一晚對我講，好漫長，好寧靜。
之後幾日既番學，我都係由一堂訓到小息，小息訓到食飯，食完飯又訓到放學。我冇諗個，啊君呢句說話對我影響力係咁大。
只有打籃球，先令我個人有精神起黎。呢一日放學，啊希約左我，啊單，啊金留校打波，啊嘉又唔知做咩跟住啊希黎。我地得五個人下，啊希就搵左一個路過球場，教我地班科學既高Sir一齊打三打三。
我地分完組後，我同啊嘉同啊單一組。高sir就同啊金，啊希一組。
本身我同啊單都唔太想打，啊單未完全好番，我就冇心情。不過高sir仲話贏左請我地飲野，我就落力?打，諗住當練習都好。
打左好耐，我個組終於贏到高sir個組。佢又肯遵守承諾請我地飲野。當佢比左包野飲我後，就問我
高sir ：「羅子傑！做咩你贏左波個樣好似死老豆咁架」
我： 「唉，慘個死老豆」
呢個時候，啊嘉呢個八婆又走埋黎。
啊嘉：「講緊咩呀？我聽得架？」佢扮天真既樣望住我
我：「高SIR，出去打多場波」我拉走左啊SIR
啊嘉：「唉，又唔同我講」佢又追出黎
打完波之後，我當晚返屋企食完飯就係電腦留意下啊君既MSN。佢同平時一樣，一樣有上線，但係就無搵過我。於是，我就上啊君個網上日誌到，睇下有Ｄ咩野可以比我睇。
點知，入到去之後，我見到同啊君鬧交當日，佢打左Ｄ同我好暗示既野，內容都係佢同一個朋友因為佢食煙而鬧交，令到佢好唔開心，但內容無提個呢個係咩野朋友。但呢日既日誌最落，竟然比我見到一句,,,
「Leo...今日多得有你陪我...多謝你...」
當我望到最落呢句，我就係屋企講左出黎「邊個Leo陪你呀...」 突然之間，我老豆就走左出黎。
老豆：「做咩，邊撚個係Leo？？」
我：「無野呀...」
老豆：「喂，你咪叫我教你捉象棋既，快D拎出黎啦，唔係我訓教架啦」
我：「係喎...」
自從係棋藝學會差小小輸比啊魚之後，我就決心向我老豆學習捉象棋，希望第日再有機會同啊魚捉果陣唔會再有機會處於下風。點知到我老豆得閒果陣，我已經唔記得左呢件事。
我拎左象棋出黎之後，同老豆只係玩左一陣，我就輸左第一局。係第二局捉到一半，老豆就望住盤棋開口。
老豆：「喂，今日做咩心不在焉？」
我：「咁都睇得出？」我專注返盤棋到
老豆：「做咩呀？拍拖？」講完佢行一步
我：「UM...」
老豆：「屌你，姐係係啦。同年紀定越級挑戰呀？」佢笑住望住我
我：「咩野越級挑戰呀？」我笑住講
老豆：「讀完書先拍拖啦！依家最重要讀好書！」無啦啦嚴肅起黎
我：「唉，得架啦得架啦」
過左一排，正值十月尾左右。學界三場分組賽已經全部打完，出線後第一場淘汰賽都打完。下一場就係八強之戰，嬴左就可以入四強。高年級師兄係呢幾場波入面愈戰愈強，燃燒高中學界生涯既最後光芒。而我依然係一個後備飲水機既角色，四場比賽出場時間加埋只有五分鍾。
呢段日子，當我打完波睇電話，都見唔到有人SMS我。以前習慣左打波前同打波後都會搵啊君傾計，估唔到差唔多接近半個月我仲未習慣到無左啊君同我傾計既事實。有時打完波我都會自己諗
「係咪有LEO陪你,,依家唔需要我啦..」
「不如同啊君道歉啦」
雖然我係咁諗，但我最後都無膽搵啊君。為左分散我對啊君既注意力，我就擺更多時間專注係籃球場上面，呢半個月入面，我苦練兩分遠距離射波同罰球，射術可以話有好大進步。我更加係四場出場時間加埋得五分鍾既比賽入面入到一球中距離，不過當時嬴緊三，四十分，已經無人留意我同為我歡呼，入左同無入既分別不大。
八強比賽前一日，我係小食部撞到啊魚
啊魚：「HEY，聽日放學係咪打八強啦？」佢問我
我：「係呀，你黎唔黎呀？」
啊魚：「聽日好多人去呀，我都會去睇，你有無得出場？」佢笑住問我
我：「哈哈，聽日你咪知囉」其實我點會有得出場
放左學之後，我自己一個行返屋企，電話無人搵我，但我仍然渣住部電話，每一分鍾就睇一次。但係，依然無人搵我...
「係咪呢個叫LEO既男仔對你好好...你依家唔需要我了...」我一邊行一邊諗
估唔到，聽日八強一戰，將我會令我畢生難忘...