[真人真事]那些年錯過的愛情: 中二３０

啊洪：「SORRY，我地食野遲左，依家行得啦」 

北仔：「哇，同女食野唔同我地食囉」 
啊洪：「無計啦我約左啊希先，快Ｄ搭巴士啦！」佢叫我地行 

　　我地十幾人到達車站後，大家都係同隊友各有各傾，我同北仔湯尼企係啊洪啊希後面，佢地企係隊頭傾計傾得好開心。見佢地兩個傾得咁埋，大家都好識做無走埋去，但知我鍾意啊希既，我諗呢到得豬皮一個。我只可以企係到同北仔湯尼傾籃球 。上車之後，我地十幾個人去左上層坐，啊希坐左係最後果排既最左面，啊洪就坐左係佢隔離。北仔就拉左我去前幾排既位到坐。 

　　沿途我都有扮野望去後面同湯尼傾計，但望親幾次啊希同啊洪都係笑得好開心。由於我唔想再望到佢地傾得咁開心，我就同北仔聽住歌坐下車就訓左教，直到落車先有人叫醒我地。 

啊左：「起身啦死基佬，兩個挨撚住大家訓，唔撚柒架？」 




北仔：「屌，訓著左既我地！」佢拉左我落車 

　　我起左身後，落左車都係跟住佢地行，我同北仔豬皮企係最後，目睹晒啊洪同啊希既一舉一動。我同豬皮發現左佢地兩個一邊行都細聲講大聲笑，好似視隊友如無物咁，其實佢地一早就令到大家懷疑佢地係咪拍緊拖，但係兩個都一直否認。 

　　到左比賽會場之後，我地就開始熱身，啊希同啊MAY，北仔就去左後備席坐係到為我地打氣。由於啊洪生得矮矮地，佢拍波又比較叻，打既位置係控球後衛。我就轉左個位置，都係同啊洪一樣打後衛。比賽開始左之後，啊洪好似係到拍住個波玩對手，想表演比觀眾睇咁。 

啊格：「傳波呀！拍十幾秒做咩呀！」另一個後衛隊友叫啊洪 

　　啊洪好似聽唔到我地講野咁，自己不斷係到表演控球技術，最後輸左幾球之後，佢就比女教練換左出場。呢個比賽只係打二十分鍾，落後幾分就好難追，雖然下半場啊洪出場正常發揮，但始終分數同技術差太遠，我地係呢場比賽輸得好慘烈。 





　　輸波之後，啊洪同其他隊友提議去街場打波。由於我唔太開心就拒絕左，諗住同湯尼搭車返屋企，但當我地行出體育館，啊希同DAVID係後面叫我地 

啊希：「喂，不如我地四個去食飯丫」

　　我同湯尼望去後面見到佢地兩個，湯尼聽到之後就同我講 

湯尼：「啊傑，有飯食呀！跟埋去呢！」佢好狗咁同我講 
我：「咁...好啦想食咩呀？」 
啊希：「不如...去食西餐啦！好唔好呀？」佢以一個微笑問我地 
湯尼：「好，你話事得架啦」 





　　啊希細佬DAVID拉左湯尼行去前面傾計，我同啊希就係後面行。 途中啊希不斷同人SMS，我就一直企佢隔離，無出個一句聲。行到就黎到地鐵站，啊希開口同我講野 

啊希：「點呀...輸波唔開心呀？」 
我：「唉...」 
啊希：「你同慣甲組打學界要贏一定好易啦。你依家同佢地班乙組係隊友黎架，體恤下大家啦」 
我：「我只係...唔鍾意啊洪死都要帶住個波」 
啊希：「其實我都唔鍾意佢咁打，不過你唔好同佢講！」佢做左個肅靜手勢 
我：「緊係唔講啦。不過你都唔鍾意佢架咩？」 
啊希：「只係唔鍾意佢咁打姐...但同佢做朋友一流架！」佢笑住同我講 

　　聽到啊希咁講，我就轉移左話題。地鐵上，我地四個係到傾計同討論一陣間食邊間好。當我地諗到之後，落左車就去左果間西餐廳。但係入到去先知大多數侍應都係自己學校既人，當中仲有特別輔導班既人係到做。啊希仲同其中幾個打招呼 

湯尼：「你識咁多人架？？」佢問啊希 
啊希：「有傾個幾次計啦，快Ｄ叫野食啦」 





　　叫完野食之後，啊希渣住部電話呆左係到十幾秒，見到呢個情況我就情不自禁拎部電話出黎，靜靜雞影佢相。點知影果陣發現冇較靜音，結果比佢知道左，不過總算捕捉到佢美麗既臉孔。 

啊希：「喂，做咩偷影我？」 
我：「無..你岩岩個樣好吸引...好靚」 
啊希：「下...？」佢望住我係到傻笑 
DAVID：「竟然有人讚你！」佢向啊希講 
啊希：「收聲啦你！啊傑不嬲對我好！」 

　　我地食完野果陣，討論下一站去邊，啊希就提議返學校課室玩，湯尼話累就走左先。於是啊希叫我打比啊單。啊單最後叫埋PATER黎，五個一齊行返學校行。

我地行到返學校就上左四樓其中一個課室，啊希照舊拎部電話出黎插落電腦到播歌。啊單見到呢個環境係到自言自語 

啊單：「呢到唔開燈又播住歌，係到同條女扑野一流」佢同PATER講 
啊希：「啊單，咩你有女架咩？？」佢笑住問啊單 




啊單：「無，我都搵緊」 
啊希：「你咁得意，一定搵到啦」 
啊單：「其實你都可以考慮下我，唔好成日掛住要啊傑同豬皮」 
啊希：「豬皮？你又亂講咩野呀？」佢笑住答啊單 

　　DAVID係到坐坐下就訓著左，啊希一邊覆訊息，一邊拎起支粉筆係黑板到寫歌詞。 

啊單：「做咩你扮感性？係到寫歌詞」 
啊希：「學緊Ｄ人囉，有Ｄ人都鍾意寫歌詞係Ｄ野上面」