[真人真事]那些年錯過的愛情: 中二４０
北仔：「你行唔到...我咪揹你返屋企囉...」
我：「唔撚係呀...咁就當補償呀..」我笑住問佢
北仔：「你出左名唔會受傷都比我搞到拗柴喎，唔通比錢你搭的士咩」
我：「你送我去搭車得啦一陣」
傾多一陣，北仔就出左去同啊洪Ｄ人三打三，跟住又得返我自己坐左係到。點知坐唔夠三分鍾，啊洪就用手禁住個鼻行埋黎，另一隻手就渣住一副爆左鏡片既眼鏡走埋黎坐
我：「你流鼻血喎...無野呀？」
啊洪：「屌，比北仔一野批埋黎，成塊面食撚晒」
我拎左紙巾比啊洪之後，兩個就坐係到背對背咁傾計
啊洪：「你拗柴呀？做咩坐左係到咁耐？」佢係後面問我
我：「係呀，我比北仔搞到咁」
啊洪：「條撚樣真係殺人王黎...」
我地背對住傾計，無傾過啊希既話題。反而大家都講下大家果級有咩靚女，邊Ｄ女溝得過。只要唔講起啊希，我同啊洪就係一個好好傾既朋友
啊洪：「聽講你個班有幾條女好正架喎，啊詩，啊美，麗婷...你個班多女到呢...呢三個最撚正」
我：「啊美退左學啦，啊詩一般啦。麗婷得意Ｄ，細細粒粒」
啊洪：「屌！細細粒粒又大波，一定好好屌！」
「唉，你唔好有一日同我講啊希好好屌我就心滿意足架啦」
北仔：「喂，走得啦喎，兩位傷者」
啊洪：「你個仆街，捨得走啦咩」
啊格同另一個隊友就同啊洪行左第二條路走先，而我等北仔換埋衫就起行
北仔：「喂，上黎啦」佢紮左一個馬
我：「屌，你真係揹我去搭車？」我怕羞住講
北仔：「緊係啦！我當練體能」
我：「我百四磅喎，睇你條排骨頂多咪一百磅，得唔得架？」
北仔：「上就上啦，好撚煩呀！」北仔笑住咁講出黎
北仔揹左我之後就慢慢行出球場，途中當然吸引唔少人既目光。但係望望下就會習慣左，最後我地仲一邊行一邊傾計。傾計間發現佢鍾意我表姐已經有三年了，估唔到北仔係一個咁長情既人。行去車站期間，我就聽住佢點解會比我表姐吸引既教事同經過。
返到屋企之後，食完飯我就立即走左上床SMS同睇電視。因為我唔想比屋企人知道我拗柴呢件事，比佢地知道一定禁止我打籃球。而且我仲係一個怕睇醫生，諱疾忌醫既人，相信這是遺傳了老豆的習慣。拗柴了，訓一兩日就會自動好返。
第二日腳真的沒那麼腫了，但就只可以慢慢行。下午十二點左右，廢事係屋企比人睇到我隻腳，我就出左去搵思蓓，順便還返頂帽比佢。相信炎炎夏日之下，佢一定會留係屋企睇戲，當我去到佢屋企，真係比我估中左佢做Ｄ咩。
我：「都估到你係屋企睇戲架啦..」我入左佢房後講
思蓓：「咁醒目呀你...準備睇昨，岩岩起身。做咩咁耐都唔搵我先」佢打一打我隻手
我：「唔好講呢樣野住，我隻腳拗左柴，讓個位我坐下先」
思蓓：「坐係床啦你，唔想比屋企知道？」佢揭開褲腳睇我腳眼
我：「一定唔可以比佢地擔心..順便還埋頂帽比你」
思蓓：「羅子傑...你真係好唔小心...」佢睇到隻腳後開始教訓我
我：「得啦，你比我坐到夜晚食飯時間就得架啦，睇戲啦」
思蓓開左套「大內密探零零發」就出左客廳，我發覺佢真係好鍾意睇星爺既戲。我就訓係床上睇電視，等佢入返黎。過左一陣間佢就拎住一堆野走入黎
思蓓：「你訓係到，唔準亂郁！」佢拎左個盆同我講
我：「做咩姐你」岩岩可以比我引用戲入面既對白
思蓓：「頂你..幫你拎Ｄ冰敷下你隻腳呀..」佢囉左袋冰幫我
我：「...下...點解你會識呢D野？」我好奇咁問下佢
思蓓：「我有打排球隊架...平時拗柴我地都會咁做。得你先會咁傻唔理佢」
我：「我唔想比屋企人知姐...我忍到痛架...」
思蓓：「我都唔知羅子傑你呢種性格係好事定係壞事...有野就好似依家咁..收收埋埋唔同人講...人地有野就永遠第一個去關心人...成日都唔識照顧自己..」佢一邊搞一邊講
我：「咁...有事我可以搵你姐」我笑住同佢講
思蓓：「遲Ｄ我去左英國，你點搵我？」佢望住我講
我： 「唔好走咪得囉」我笑住應佢
思蓓： 「你都傻既，乖乖地訓係到啦」佢繼續幫我冰敷
佢幫我整完隻腳後就坐左係?到，陪我一齊睇電視。傾傾下計我就問佢
我： 「係啦，做咩你暑假成日留係屋企唔出去？」
思蓓： 「出慣夜街姐..你夜晚又唔出得街」
我： 「你夜晚成日出去？通常會去邊到多？」
思蓓： 「唔...通常食糖水，同朋友打機去公園傾計囉...無咩特別」
我： 「你...放低左佢未？」
思蓓： 「放低左好耐lu，睇電視啦」
當我問佢呢個問題佢都冇咩太大反應，相信呢個金毛仔已經係佢心中慢慢消失。睇到六點幾左右，佢就扶住我出門口送我返屋企
思蓓： 「上車，今次我送你返屋企」
我： 「你？得唔得架你」我笑住同佢講
思蓓： 「上黎啦，講咁多野」佢坐係單車上講
最後，踩左唔夠五分鐘又係要我踩。其實理由好簡單，我呢D咁既肥仔一坐上去，已經感覺左搖右擺，架車好似就炒咁。
我： 「我踩啦，你坐去後面」車停後我同佢講
思蓓： 「你隻腳得唔得架」
我： 「踩單車唔痛，快D換位。我唔想炒車傷埋隻手」
雖然，最後我都係要做司機。但係呢次受傷入面，我已經搵到一個好似啊君一樣，關心我照顧我既好兄弟。