[真人真事]那些年錯過的愛情: 中三１０
啊希：「無，我同佢嘈比賽野姐。走啦」佢同DAVID講
啊希講完就拉左DAVID走。我地四個就企左係原地望住大家
啊俊：「做咩撚野姐！？點解啊希唔係拉走我？」
豬皮：「收皮啦，你咁撚柒」佢地兩個又係到鬥咀
啊俊：「我屌你老母呀死肥西」
我：「喂，我搭巴士走先。你地三個搭地鐵走啦」我頂唔順佢地兩個肥仔
湯尼：「好啦，拜」
過左一排，返學果日我遲左起身，跑到返學校岩岩打左鐘。於是我就比守學校門口既天SIR捉左企埋一二邊
天SIR：「遲到喎！企陣先啦羅子傑」佢指左個位比我企
「屌你隻門口狗...」我心中想著
企左一陣之後，學校門口又走左兩個遲到既人入黎。呢兩個人係隔離精英班既啊焯同啊水，同時係我中一排球隊既隊友。佢地兩個同我打左個招呼就企左係我旁邊。企企下啊焯無啦啦對住啊水唱歌，仲要唱埋Ｄ兒歌。
啊焯：「百變小櫻魔法神奇誰可阻擋～」
啊水：「屌，你收嗲啦」
啊焯：「屌！我唱比羅子傑聽囉！」
我望一望佢，啊焯又望一望我。跟住佢又走左過黎
啊焯：「百變小櫻Magic從來無失手～」佢行埋黎我到唱
我：「做咩呀...High左野？」
啊焯：「魔法 變！變！變！」
我：「...」
如果我唔識呢條友，我一定爆粗罵到佢仆街。晨早流流係我旁邊唱歌，仲要係我遲到果陣唱。正一仆街仔黎。上到課室之後，天SIR條仆街又講埋Ｄ壞消息。
天SIR：「派英文默書簿，出黎搵人派左佢」
拎左本野返黎之後，我打開本簿１００分拎到１０分，啊山０分。啊竹呢Ｄ神手當然接近爆分。見到分數個到寫住１０／１００。我又頹左一頹
天SIR：「唔合格將全部字抄１００次，０分抄１０００次，聽日交！！」
我＆啊山：「我屌...」我地對望住講
小息果陣，我地三個係班房清埋Ｄ罰抄。我就抄自己個Ｄ，啊竹就幫啊山抄１０００次。啊山為左加快速度，仲一隻手兩枝筆咁抄。我地由小息開始抄，抄到下午我就抄完。於是我就幫啊山抄埋一份。好快我地就抄到放學，有剩果Ｄ啊山就返屋企自己抄。我放學留完堂就去左球場搵啊單。打打下落雨我地兩個加豬皮就坐係樓梯到傾計。突然間有個兩個人，一男一女拎住把遮，係籃球場後樓梯方向行入操場。
啊單：「睇唔睇到...依家Ｄ人係學校都拖住手」
我：「落咁大雨點睇到..有得同一把遮仲唔借機會抽水咩」
呢兩個人愈行愈近，啊單就摸住我大脾講
啊單：「啊傑！啊希喎！啊希捉住條仔手臂！」
我：「唔撚係掛...」
呢兩個人愈行愈近，聽到佢地講野同睇到個樣之後，我就知道佢唔係啊希。
我：「我屌你，玩尻我！？」我打一打佢隻手
啊單：「屌，咁緊張做咩姐。啊俊唔係話你唔在意既咩」
我：「邊有在意...八掛姐」
啊單：「一定係咁啦屌！」
我地三個等到停雨就返左屋企。呢段日子係學校都無咩特別。升左上中三就多左好多無聊選修堂，令到我地多左好多上堂時間玩。最奇怪既係升左上中三後，我竟然會開始溫下書。可能係因為SMS少左人搵我同天SIR逼得太緊既關係吧。其他無聊選修堂我都會拎Ｄ課外書出黎睇。有一日上上下堂，啊螢就SMS我
啊螢：「WOW...睇書...」
我：「做咩無啦啦搵我？上堂啦」我睇到後就回覆佢
啊螢：「做咩放左個暑假高左咁多既？」
我：「有打波緊係高啦，唔通矮咩」
啊螢：「唉...我個波呢...」
當啊螢又提到佢個排球，我當然無回覆佢。我收返埋部電話就繼續睇書。放學之後，我就去籃球隊練習，準備即將開始既第二場籃球學界。換完衫去到球場之後，就見到怕羞教練對住到左既球員破口大罵。
教練：「啊格呢！？又唔黎練波！？啊洪又係邊呀！？」
北仔：「啊格屋企有事...啊洪好似話唔開心...去左音樂室」
教練：「北仔！你幫我同佢地講！佢地兩個後日再唔黎練波。下星期一果場波就唔洗出場！」
北仔：「哦...好啦」佢好無奈咁回應教練
我：「喂，做咩事？」我走去問北仔
北仔：「啊格同啊洪囉，又唔黎練波」
我：「做咩呢排成日唔見佢地兩個？」
北仔：「唔知呀。啊格就講左屋企有事。啊洪就好似感情問題 唔清楚」佢講完就行開左
原來籃球隊內部發生左咁多問題，有球員對我不滿，最強既啊格病完又到屋企有事。今次又到啊洪有感情問題。本來今年係今年係我地最有機會拎獎，但呢Ｄ野既情況下，又幫我地增添左不少波折。
第二日返到學校，就係煮野食既家政堂。本身我同啊單一組。但啊竹堅持話要同我一組，佢開出既條件就係今年上堂佢洗晒Ｄ碗，煮野就我負責。聽到呢個條件咁吸引我就答應左佢。今日家政堂要我地整香蕉蛋糕，第一至三堂搞掂拎去焗之後，食飯時間就可以返黎家政室拎黎食。
兩個人一組整既小型蛋糕，兩個人就每人分到六件。我同啊竹拎左去焗之後，我就諗到呢處理呢六舊野。由於我唔鍾意食香蕉蛋糕，所以我決定一陣拎去派街坊請人食。拎左去焗之後，啊竹就洗住碗問我
啊竹：「點呀？一陣Ｄ蛋糕想比邊個食？」
我：「籃球隊囉，一定有男仔食」
啊竹：「你傻架，緊係拎比女仔食啦！」
我：「頂...你又岩喎。好，等我再諗下請邊個食先」
食飯時間我同啊竹返黎拎左Ｄ蛋糕之後，就擺左入食物盒，擺返上班房之後就出去食飯。啊山係學校門口等我地，我同啊竹會合左佢就行去商場睇下食咩。點知行去商場果陣見到啊魚，佢自己一個渣住個飯盒行緊返學校。見到啊魚，我就諗起其中一件一定要比佢食，仲有順便比份手信佢。
我：「喂，做咩自己買飯盒食呀？」我走埋去問佢
啊魚：「我不嬲無朋友架啦...」佢講完苦笑
我：「唔好咁講...係啦，我放學上黎搵你。我家政堂整左香蕉蛋糕」當然仲有佢份手信
啊魚：「好呀！你記住黎搵我！」佢聽到後就好開心
我：「好，放學見」