[真人真事]那些年錯過的愛情: 中三１６

自從思蓓講鍾意我果日後，佢之後見到我好似扮無事發生過咁，好似以前咁同我傾計，踩單車，食下糖水。一日放學後的星期五，我就去左一間體育館出面等思蓓。佢學校女排每星期五放學後都會去體育館練習。我係學校打完波到左體育館門口企左一陣之後就見到佢出黎。 

　　思蓓呢一身裝束令我眼前一亮，緊緊的排球衫突顯她的胸部，仲有一條短到無得再短既排球褲，加上一條白滑長腿，簡直一身都係引人犯罪既服裝。我見到佢咁樣行出黎，就問佢 

我：「喂，你就咁走！？唔洗換校服？」 
思蓓：「唔換啦，好麻煩」佢邊行邊講 

　　行左一陣之後，我見到大多途人目光都不自覺地掃過她。見到呢個情況我就係書包拎左件長袖冷衫出黎 

我：「著左佢啦」我遞比思蓓 




思蓓：「做咩遞你件冷衫比我？要我幫你拎？」佢接過我手中的衫 
我：「我...總之你著啦」我低著頭說 
思蓓：「做咩呀...我都唔凍...」 
我：「你著到咁引人注意...我唔想你比人睇蝕晒昨」我指一指佢上身 
思蓓：「哦...有人唔想我比人睇蝕..！」思蓓開始穿上我的衫 
我：「係啦係啦，你話點就點啦～」其實我真係唔想佢比人望住 

　　上左巴士之後，我地就問下對方假期有咩節目。我話左聽日有最後一場學界比賽之後，佢諗都唔諗就答應左我黎睇波。我落車前兩個站，佢捉起我帶住手鏈既手 

思蓓：「幸運之神，保佑羅子傑聽日順利贏波！！」佢閉上眼細細聲講 




我：「你好迷信呀...」我對住佢傻笑 

　　這個外表堅強的女孩，在我面前都會變成另一個人。一個天真可愛的小女孩。認識到她，是我羅子傑的福氣...

「大致上戰術就係咁...最後一場，大家落力Ｄ打！」 

　　教練講完戰術後就吩咐左我地出去射下波熱身。雖然今場贏左都出唔到線，但仍然都有觀眾山長水遠黎支持我地。包括啊俊，啊魚，還有一個啊嘉。比賽開始前，昨天說會來看我比賽的思蓓也到了。思蓓走入球場向我講左Ｄ打氣說話就坐左係後備席後面既櫈到。啊魚見到思蓓同我講過幾句，就主動招呼思蓓過去坐，兩個人更有傾有笑。啊嘉就乾脆坐了在後備席上跟其中一個中四後備傾計。 

　　比賽開始左一分鐘左右，我地先拔頭籌入左一球。不過對方準備開波果陣，球證就吹左一下哨子走埋黎我到 





球證：「１１號，除左條手鏈佢！比賽唔比帶」 

　　我除左條手鏈後就跑返去後備席比啊俊，我叫左啊俊拎比後面看台果個白色衫女仔，呢個女仔姐係思蓓。我比啊俊接左之後，啊嘉就想搶條鏈。好彩啊俊縮得快，唔係既話一定引發混戰。 

啊嘉：「睇下咩手鏈都唔得咩」 

　　雖然我聽到啊嘉講野，但場上既人因為等緊我返入球場，於是我就無回應佢，返到場上面就繼續比賽。比賽打到半場果陣，我地隊暫時落後十多分。今日既對手既係分組賽係入面全勝既隊伍，面對呢隊冠軍大熱我地打得更加吃力。但在最後一場比賽下，我們比以往兩場打得更有鬥志。


下半場開始後，啊洪第一球就傳左比我，我見無人對我防守就企係三分線準備射球，呢球無人阻擋下好完美咁射入左。當我入左呢一球，後備席既隊友觀眾係到歡呼。我向後備席望去，更看見思蓓笑著為我拍手掌。 

　　由我第一球三分打破局面後，我地隊終於進入練習時的狀態，整個球場好像下了一場三分雨一樣。我入完第一球後，啊格隨後就入了幾球中距離。當對手集中防守啊格，啊洪就傳個波比我起手，我同啊格一左一右既射手成功開火，終於令我們在比賽最後五分鐘領先反超前。當中我更入了四球三分。對隊叫了一個暫停時，我在後備席望去看台上的思蓓，揮拳打一打自己心口。這是一個我其中一位喜愛的NBA球員的動作。我向思蓓做了這個動作後，她也笑著做了這個動作給我。 

　　暫停完結後，教練就換左北仔落場代替我。大概因為球隊需要一個有力氣防守的人出場。完場哨子響起後，我校以一分之差勝出。雖然對隊輸了，但最後也成為當年的學界冠軍。由於全個學界比賽只有我校贏了這間學校，呢一場後多左好多中學生，街場人士認識我地。特別是我和啊格的表現引起了區內波友的注意。 





　　贏左比賽後我就向啊俊拎返手鏈，我諗住同思蓓離開果陣。啊嘉係到跟住我地，吵著要跟著我們離開。雖然我不斷拒絕佢，但佢仍然跟住我地。 

啊嘉：「一齊走啦！」 
我：「我同我朋友有地方去」我指住思蓓講 

　　啊嘉呢條煩膠係到煩我果陣，思蓓就係到望下風景唔出聲。只有我應付佢，後來啊俊呢個醒目的肥仔係啊嘉後面跑過黎，我就知道今次有救了 

啊嘉：「一齊走啦...我當識個新朋友」佢對著我講 

　　啊嘉講完後，救星啊俊也到了 

啊俊：「係咪走！？四個一齊啦！」佢向我打了一個眼色 
我：「好，一齊去地鐵站啦！」