[真人真事]那些年錯過的愛情: 中三３５
「屌，真係搵我！？」
我見啊嘉突然搵返我，於是我立即係堂上回覆佢
我：「做咩咁講？」
啊嘉：「好悶，掛住你」
「屌，同我SD訊息呢個人係唔係啊嘉黎架？」我心中想著
見到啊嘉不尋常既訊息，我就決定繼續上堂唔應佢。晏就食完午飯返黎，我同啊竹係籃球場打波，打左一陣啊嘉就走左過黎。
啊嘉：「我想同你地一齊打，得唔得？」
我：「哦...無所謂呀」
射左一陣波，啊嘉就走埋我到問
啊嘉：「你係咪有女朋友？出面既」
我：「冇呀，我呢Ｄ人點會有女」我笑著說
啊嘉：「咁之前睇你比賽，上次同你過馬路既女仔係邊個？」佢笑住問我思蓓既野
我：「哦...果個呀...其實佢係我表妹...我地好FD」我求其答佢
啊嘉：「...哦，你最近唔開心？我係走廊上面睇你打波都唔笑咁既」
我：「無呀，咪又係好似以前咁」
啊嘉：「唔係喎...係咪因為冇左啊希...」
我見啊嘉開始想講啊希，於是我就搵藉口離開球場。放學去到醫院探病，知道老豆聽日就離開出院。佢話唔想成日留係醫院訓教，想出去行多Ｄ。於是大家都同意比佢離開醫院，不過手術開刀果個傷口仲未復原，出院後一段時間仍需要搵護士上門同佢洗傷口。探病期間，醫生就叫左啊媽同我出去講關於老豆既情況，大約知道細節後，啊媽就問醫生一個問題。
啊媽：「醫生...我想問佢仲有幾耐命？」啊媽邊問邊喊
醫生：「仲有四個月左右啦...佢有Ｄ野想做既，你地盡量滿足下佢」
啊媽聽到呢個消息就喊到收唔到聲。雖然我聽到都好傷心，但我只能強忍眼淚安慰佢。啊媽知道後就喊住咁坐左係醫院走廊，我入病房叫左Ｄ親戚出去陪佢之後。病房就得返老豆同我兩個人
老豆：「點呀？聽日係咪出得院？」佢坐在床邊問
我：「係呀，好快就可以返屋企...」我上前攬著啊爹
老豆：「傻仔做咩攬住我？」
我：「終於等到你返屋企，有Ｄ開心姐」我傻笑著說
老豆：「屌！訓左咁耐緊係返屋企啦。我仲要趕住睇馬」佢笑著說
我：「得啦，聽日我黎接你啦」
老豆：「唔洗扮乖仔啦，你想唔返學姐！你係乖仔既，就考個第一比我睇」
我：「第一會唔會太簡單？不過...我聽日係咪真係唔洗黎先？」
老豆：「屌，你考到第一先算啦。聽日你去打波啦，夜晚係屋企見」
同老豆傾完計後，我同啊媽，一眾親戚就離開醫院返屋企。接老豆出院既任務就交左比啊媽同兩個親戚。第二日放學果陣經過球場，見到粗口啊伯射緊波，於是我就落左去搵佢。場上有啊伯之外仲有一個著住校服既四眼肥仔係到同啊伯傾計。
啊伯：「蘿傑，做咩你咁耐都唔落黎」
我：「最近唔得閒，今日有時間就黎搵你啦」我解開恤衫準備打球
當我除左件衫射左一陣波之後，啊伯就坐返埋位食煙，場上果個四眼肥仔望左我一陣就行埋黎同我講野。
四眼肥仔：「喂，不如一打一？」佢笑著說
我：「喔...好呀你開」
四眼肥仔：「你讓我姐...好！我就贏你比睇！」
四眼肥仔開左波之後係到就埋Ｄ無聊插花，佢左拍右拍都係入唔到波。但只要比我拎到波就會比我射入。打左唔夠五分鐘，呢場十分既挑機已經分勝負。我打完去左一個廁所後，四眼仔再次走埋黎
四眼肥仔：「不如打多一場，岩岩我未認真」
我：「喔...無所謂，你開啦」
四眼肥仔認真左之後同之前無咩分別，只係防守落力左。最後我都好輕鬆咁贏左佢。但係佢仍然死心不息纏住我
四眼肥仔：「你識射中距離姐，你企三分線出面同我打一場，你只係準射三分」
我：「姐係我唔入得三分線？就陪你玩下」好奇心逼使我同佢打多場
最後呢場一打一打左好耐先分勝負，由於我進攻唔入得三分線，需要用多左體力解決佢。不過十分入面我都以10:8贏左佢。打完之後啊伯就係到取笑佢
啊伯：「啊豬你咁撚廢架！人地十球三分幾撚勁」佢邊食煙邊說
四眼肥仔聽到後沒有理會，反而跑來我正在坐著休息的座位前
四眼肥仔：「大佬！可唔可以收我做徒弟呀！！」佢跪係地下說
我：「喂，唔撚係呀，起身先講啦」我尷尬地說
四眼肥仔聽到之後就企返起身，之後仲坐左黎我旁邊既位置
四眼肥仔：「我當你應承架啦大佬！我叫啊豬，你叫我豬仔啦」
我：「下...咁..你叫我啊傑得啦」
豬仔：「你係我師父喎，一定要叫大佬啦！有咩技術可以教下我？！」佢好興奮咁問
我：「籃球有咩教姐...我識既野你都識」
豬仔：「大佬不如你教我射三分！你咁準！」佢捉著我的手說
我：「咁你依家出去射返十幾球比我睇下先啦，我要睇下你既射姿」
豬仔出左去之後就專心射三分球，我見豬仔呢個人太煩，此地不宜久留之下我靜靜地就由第二個出口離開球場。返到屋企之後，就見到老豆坐左係書枱前處理文件。
我：「啊爹，你唔落床休息下？」
老豆：「咁早返黎既你？成個月無返屋企，太多野要做啦，趁我有精神做下野先」
我：「唔得唔好死頂喎...」
老豆：「得啦，你沖個涼先啦。一陣食飯你黎扶我出去」
我：「好」
食飯之前，屋企門鐘響起，我開門後發現係思蓓。佢知道老豆出院後就自己一個黎探我老豆，最後比我老母勸服下就留低左食飯。食飯期間我地四個就係到傾計，好似一家人一樣。雖然家姐唔係到，但係老豆仍然笑得好開心。食完飯之後，老豆就叫左我出去同佢行一陣。思蓓就主動提出留係我屋企同我啊媽洗碗。出到去之後，我同老豆就去左附近一條天橋。見到老豆依家要渣住支拐杖行路，而且有病之後由一個大肥佬變到依家弱不禁風既人，我望到就有Ｄ心痛。